楠木正成

楠木正成（假名：くすのきまさしげ，羅馬字：Kusunoki Masashige）是日本歷史浪邪氣有名個人物。伊是畿內人。小辰光名字叫做多聞丸，江戶辰光畀民間尊稱大楠公，到明治維新之後，畀當做武家文化個代表。伊是鎌倉幕府挨末階段到南北朝(日本)辰光個著名武將。楠木正成一生儕效忠後醍醐天皇，來勒湊川合戰當中剖腹自盡。後來個文人替江戶之後個武士，儕拿伊作為忠臣替軍人個模仿，當做武神。伊個七生報國也成為日本軍人個坐標。伊老早官位是正五位，到1880年，追贈正一位。