欧洲历史

歐洲歷史最早可以追溯到公元前3萬5千年（甚至是一百萬年前）個舊石器時代，已經有人類居住遺蹟。拉前7000年個新石器時代早期出現了定居點、農耕技術搭馴養家畜。從最早有文字記載個文明截至前1200年文明暫時倒退消失個時期稱為青銅時代，銅是當時製作工具搭武器個主要金屬材料。石器時代搭青銅時代叫作歐洲個史前時期。

歐洲古典時期從前700年古希臘文字再次出現開始。羅馬共和國拉前509年建立。羅馬人拿疆域拓展到整個意大利，隨後是整個地中海周邊搭西歐。羅馬帝國個領土拉公元117年到達最大。313年，基督教拉君士坦丁大帝治下合法化。只是幾個世代後，基督教就成為帝國個國教。羅馬帝國個衰落，標誌着古典時代個終結搭歐洲中世紀個開始。395年，羅馬帝國一分為二。隨即蠻族部落開始入侵西羅馬帝國。西哥特人是首先向南搭向西越過羅馬國境線進入前羅馬帝國領土個部落之一，並拉5世紀初，三度圍攻羅馬。418年，拉原羅馬帝國境內建立西哥特王國。476年，最後一個西羅馬帝國皇帝羅慕路斯·奧古斯都被廢黜，歐洲進入中世紀時期。

東南歐搭地中海地區仍由東羅馬帝國控制，首都為君士坦丁堡。6世紀晚期開始被日耳曼人侵蝕。7世紀開始，中東搭北非地區被阿拉伯帝國占領，並伊斯蘭化。拉西歐，交關多新國家仍保留了羅馬個習俗，使用拉丁語作為書面語言，並普遍信仰基督教。800年查理曼被教皇加冕為「羅馬皇帝」。歐洲受到斯堪的納維亞個維京人、北非個穆斯林搭匈牙利個馬扎爾人個入侵。到10世紀中期，穆斯林搭馬扎爾人對西歐個威脅消除了，但是維京人仍然是侵犯搭威脅不列顛群島最久個。1054年東西教會分裂加劇，隨後十字軍東征開始削弱拜占庭帝國，教皇個權力此時也拉西班牙、法國南部、立陶宛搭其他個異教地區穩固下來。複雜個封建等級制度發展起來，新國家個大多數貴族由於通婚互相是近親。封建社會拉蒙古入侵後開始解體。中世紀後期歐洲爆發了大饑荒搭黑死病。

15世紀，歐洲從中世紀甦醒過來。1492年西班牙個收復失地運動搭哥倫布發現美洲，同時終結了十字軍東征，知識獲得尊重，開始挑戰傳統個科學搭神學教條。新教改革開始，德國神父馬丁·路德挑戰教皇個權威。同時亨利八世讓英國教會脫離教皇管制，也讓英格蘭拉隨之而來個德意志搭西班牙之間個宗教戰爭中得以採取更靈活個結盟政策。但是，宗教戰爭一直持續到三十年戰爭，箇場戰爭結束於威斯特伐利亞和約。

18世紀後期，英國工業革命開啟了機器時代英國工業革命個起源。