正一派

道教個正一派，是如今江南搭湖廣、巴蜀、嶺南等南東亞地區個主流道教派別。現在大家公認個正一派，內部也分有茅山派、靈寶派等交關派別。正一派是來勒天師道、龍虎宗長期發展個基礎之上，以龍虎宗作為中心，囊括符籙內容之後，構成個一個新個門派。

發展

正一派個前身是東漢辰光就有個天師道，內部組織邪氣嚴密，東漢末年個五斗米道就搭伊拉有關係。根據正一派個資料，張道陵是天師道個創始人。太上老君來勒漢元帝永壽元年正月初七日下降蜀中鶴鳴山，教授張道陵經籙科法，令張為天師傳播道教。張道陵之孫就是三國辰光個軍閥張魯。來勒曹操遠征漢中個辰光投降。隨後天師道就向中原傳播。

南北朝辰光，北朝個寇謙之搭南朝個陸修靜對天師道施行改革。

隋唐辰光，道教興盛，天師道也搭交關其他道教門派交流融合。到了北宋真宗年間，張天師又被賞賜封號，獲得官方認可。從此之後，正一派就搭帝國個統治集團關係密切。

來勒蒙古統治辰光，正一派也受到優待。忽必烈命令正一派主管江南個道教活動。

到了明朝辰光，正一派更是被官方授權，管理全帝國個道教活動。

到了滿洲人統治辰光，由於交關反對勢力出家成為道士，讓帝國政府邪氣頭痛，所以對道教個打壓開始猛烈，正一派也備受衝擊。

現狀

80年代之後，正一派逐漸恢復了活動。弗過老百姓對道教個信仰已經弗好搭百年前相比。伊拉個規模也逐漸縮水。現在上海個城隍廟還有正一派個活動。伊拉公認江西龍虎山是宗山。