武昌起义

武昌起义，是在拉1911年10月10号，在拉清帝国长江中游省份“湖北省”首府“武昌府”发生个一场军事兵变行动，迭个军事行动个发动者，是长江中游，以反对清朝作为目的个“反清革命党”，头目是“熊秉坤”等人，兵变在拉夜里进行，首先控制军火库，随后攻击湖光总督衙门，湖广总督瑞澂跑走，起义获得成功。

湖北革命党占领湖北省咨议局

之后，清帝国南方交关地方侪开始发生兵变，当地个革命党开始夺取或者劝说中间派获得控制权，武昌起义胜利后两个月辰光，湖南、广东等十五个省纷纷宣布脱离清政府独立，导致清廷统治摇摇欲坠，成为“辛亥革命”个导火索。

1912年1月1号，中华民国临时政府勒南京成立，孙中山（孙文）拨推举为临时大总统。1912年2月12号，清帝溥仪下退位昭书，清朝灭亡哉。

中华民国取代清帝国后，迭个起义就畀当成建立民国个第一战，受北洋政府搭后来国民党南京当局个纪念，中华民国个国庆日就放在起义爆发个10月10号（双十节），而1949后，中华人民共和国也在拉每年10月10号进行庆祝活动。

参考

• 《影响中国的100次战争》，张秀平、毛元佑、黄朴民著