法国闲话

法國閒話（français）屬於印歐語系羅曼語族，是繼西班牙語搭葡萄牙語之後，使用人數最多個羅曼語言之一。法語勒11世紀曾經是除了中古漢語以外^[1]，當時世界上使用最多個語言。現在全世界大約有87,000,000人把伊作為母語，以及其他大約190,000,000人使用伊（包括拿伊作為第二語言個人）。法語是交關地區或組織個官方語言（譬如聯合國、歐盟、奧林匹克委員會、世界貿易組織、北大西洋公約組織、FIFA、世界反興奮劑組織、國際政治科學協會、世界郵政聯合會、歐洲廣播聯合會等）。

法語
français
讀法	fʁɑ̃sɛ
母語戶蕩	法國， 法國海外省、比利時、加拿大、瑞士、魁北克、摩納哥、摩洛哥、盧森堡、黎巴嫩、阿爾及利亞、突尼斯、哥特迪瓦、民主剛果共和國、尼日利亞、塞內加爾、海地、毛里求斯、老撾、柬埔寨、越南、墨西哥、美國個路易斯安娜州 、緬因州 、 新罕布什爾州等 47個國家及地區。
使用戶蕩	歐洲、美洲、非洲、太平洋地區
幾許人講	2.5億 (8.7千萬為母語，其他為第二語言)（日腳不詳）
語系	印歐語系 意大利語族 羅曼語族 西羅曼-意大利語族 西羅曼 高盧-伊利比亞語支 高盧-羅曼語支 高盧-雷蒂亞語支 奧依語 法語
官方地位
官方閑話	30個國家、聯合國、歐盟
管理機構	法蘭西學院
閑話代碼
ISO 639-1	fr
ISO 639-2	fre （B） fra （T）
ISO 639-3	fra
深藍: 法語占多數; 藍: 官方語言; 淡藍: 第二語言; 綠: 法語占少數

歷史

儘管交關法國人認為伊俚是高盧人(les gaulois）個後裔，但是今朝嘸得多少凱爾特（高盧人屬於凱爾特人）人個影響保留勒法國人當中。交關詞彙來源於拉丁語或日耳曼語言。

公元4世紀，羅馬帝國統治現在個法國地區，拉丁語開始勒法國流行。一直到公元5世紀，拉丁語已經取代了原先通行於法國個凱爾特語。勒高盧境內，隨仔羅馬移民個增加，高盧人使用個通用拉丁語融合成為大眾拉丁語（le latin vulgaire）；同時，作為上層文人使用個書面拉丁語開始衰退。公元5世紀，高盧境內個說拉丁語個早先居民，搭隨仔民族大遷徙進入高盧個講日耳曼語個法蘭克人個語言開始融合。法語開始失去非重音音節。公元6、7世紀，大眾語變為一種混雜語言（un langage composite）。公元8世紀，查理曼帝國個建立開始讓法語規範化。到公元9世紀，拉丁語搭日耳曼語最終融合為羅曼語。從公元939年卡佩王朝開始，法語成為法國唯一個官方語言。

法語方言

開始個辰光，勒今朝個法國領土浪有交關弗同個方言，但是後來「大巴黎」附近地區Ile-de-France個方言取代了其他個方言，而且成為現代法語官方語言個基礎。而南方經濟因為發展比較落後並且歷史上個分隔，至今仍存在交關方言，如馬爾舍方言、上朗格多克方言、下朗格多克方言、利木贊方言、上奧佛尼方言、下奧佛尼方言、加斯克尼方言搭普羅旺斯方言。

地理分布

• 法語是下列國家個第一語言：
  • 法國（六千萬人使用，包括瓜德羅普島、馬提尼克島搭聖皮埃爾搭密克隆）
  • 加拿大（6,700,000使用者，特別是魁北克、新不倫瑞克）
  • 比利時（4,000,000使用者，瓦龍語是Langue d'Oïl語個一種方言，搭比利時法語有顯著差異）
  • 瑞士(搭德語(German)，意大利語(Italian)，羅曼什語四語並行)
  • 摩納哥
  • 法屬圭亞那（Guyane française）
  • 海地
• 同時法語也是下列國家個第二語言：阿爾及利亞、黎巴嫩、毛里求斯、摩洛哥、新喀里多尼亞搭突尼斯。
• 伊勒下列國家是官方語言，也是學堂唯一使用個語言：科摩羅、剛果共和國、法屬玻利尼西亞、加蓬搭馬里。
• 伊勒下列國家是官方語言，但是嘸得當地語言常用：貝寧、布基納法索、布隆迪、喀麥隆、中非共和國、乍得、科特迪瓦、幾內亞、馬達加斯加、尼日爾、盧旺達、塞內加爾、塞舌爾、多哥、瓦努阿圖搭剛果民主共和國。
• 伊勒安道爾搭盧森堡也是一種普遍個語言。
• 另外，勒埃及、印度個本地治里（Pondicherry）、意大利（Vallée d'Aoste）、老撾、毛利塔尼亞、英國（汊河島，海峽群島）、美國（阿卡迪亞，Cajun）搭越南也有一部分法語使用者。

La Francophonie是一個國際法語使用者搭法語使用國家個政府組織。

法國人一直對自家個語言非常自豪。殖民地時期，大英帝國將英語帶到廣大殖民地；而勒二戰之後，強大個美國繼續勒世界各地傳播英語，咯老法語個地位一例勒下降。法國人對居非常弗滿，勒力所能及個地方全力抗擊英語文化。儘管如此，法語也勒各個方面不同程度受到英語個夾擊。

• 另見全球法語區

法語發音

法語搭英語一樣，拼寫搭實際讀音弗同(搿一點並非所有人儕認同)，但規則性比英語要強交關，弗過也有弗少個例外。

字母

法語字母表是由拉丁字母組成，勒部分法語個寫法當中，大寫字母並弗使用變音符號。

法語字母
A	a	B	b	C	c	D	d	E	e	F	f	G	g	H	h	I	i	J	j	K	k	L	l	M	m	N	n	O	o
P	p	Q	q	R	r	S	s	T	t	U	u	V	v	W	w	X	x	Y	y	Z	z

元音字母 a e i o u

輔音字母 b c d f g h j k l m n p q r s t v w x y z

連字： Œ (œil, fœtus, bœuf...)

法語搭英語一樣用26個拉丁字母，勒學法語發音個辰光要分清爽元音字母搭元音，輔音字母搭輔音是弗同個。法語搭英語、漢語個弗同之處是法語嘸得雙元音搭複合元音，發每個元音個辰光口型儕弗滑動，尤其要注意發鼻化元音個辰光嘸此像漢語韻母一樣有延續動作。勒法語裡向多出了幾個音符，搭字母同時使用，有星辰光用來表示弗同個發音，有辰光只弗過區別弗同個意思：「^」長音符通常用來表示曾經省略過某一字母個單詞，通常用勒字母「e」，「o」浪，居辰光搿個字母個發音一定為[ɛ]，假如être是源於拉丁語單詞essere，中間省略幾個字母，「¨」分音符可以搭多個元音字母組合，表示這個元音字母弗搭面前個元音字母構成一個字母組合，而分別發音，類似雙元音；「é」閉音符只用勒字母「e」上頭，表示搿個字母發音為閉口音[e]；「è」開音符用勒字母「e」上頭表示搿個字母發開口音[ε]，用勒其他字母上區分不同個意思，譬如ou=or(英語)「或者」搭où=where(英語)「啥地方」兩個單詞發音拼寫完全一樣，但是弗同個詞，弗同個意思；軟音符ç只用勒「c」字母下頭，因為法語搭英語當中一樣，「c」勒「a、o」面前發[k]音，勒「e、i」前發[s]音，假如勒「a、o」面前，想讓伊發[s]音，需要加軟音符，譬如勒français(法國人)中。

元音

法語個元音多數圓唇，居就是為啥看法國人話說話個辰光，嘴巴一例是圓個。

• 注意：/A/對交關法語使用者弗再是音位。但是對於/ə/（）是弗是法語中個音素還存在爭論。有人認為伊是音位/ɘ/個變體。

輔音

爆破音

/p, b/

/k, g/

/t, d/

居是法語裡向對大多數亞洲人（非吳語人口）最難學個發音之一。交關亞洲國家學法語個人勒學法語幾十年之後仍分勿清爽，問題是法國人對居特別敏感，而且搿個對區別有星詞語有關鍵個作用。難點勒到：區分每一組裡向左右兩個音，左邊為清輔音，右邊為濁輔音。原因勒到：亞洲語言（譬如漢語普通話）里向弗存在清濁輔音個區別，而只有送氣搭弗送氣清輔音個區別。就算學過英語，也可能朆注意，因為英語個清爆破音一般需要送氣，勒s後頭個清破裂音弗送氣，如speak,star，sky等等。但是對吳語人口來講，法語裡向個/p, b/，/k, g/，/t, d/正好對應吳語拼音里向個/p, b/，/k, g/，/t, d/，除開搿星，吳語還有ph (匹)，kh (克)，th (套)。咯老，以吳語為母語個人可以明顯分出p (比)，b (被)，ph (匹)。

摩擦音

/s, z/
/f, v/
/S, Z/

齶音：/ɲ/

• 齶音，發音個辰光舌面貼上齶，氣流同時從口腔搭鼻腔送出。

邊音：/l/

顫音：/r/

• 有人認為搿個音是法語裡向最漂亮個。現代法語裡向通常發小舌擦音，各地個發音方式略有弗同；少數地區搭少數情況下也用小舌顫音。有少數法語區，如加拿大個魁北克，部分非洲國家搭法國南部少數地區也有只用大舌頭音。小舌即醫學上個懸雍垂，大舌即舌。

半元音：/j/ [j]總是發音摩擦音。英語y個發音（yeast）。

讀音規則

法語個讀音規則非常簡單，通常勒普通個法語字典里向占一頁個篇幅。

但是對使用中文個來說，需要了解搿些規則：

• 單詞末尾個輔音字母通常弗發音個，除非勒後頭有元音字母或者同一個輔音字母,譬如「paquet」、「pas」、「las」結尾個「t」搭「s」弗發音）。但是，搿星輔音字母勒聯誦或者連音當中可能發音。
• 「n」搭「m」勒元音字母面前發字母音，而勒有星元音字母後頭並且後頭嘸得元音字母或者「m」或「n」相連個辰光，搭前面個元音構成鼻化元音。
• 另外，以不發音個輔音字母結尾個法語單詞後頭緊跟一個元音開頭個單詞，並且搭伊勒到同一個節奏組當中個辰光會得發生聯誦，同樣情況，假如面前個單詞以輔音結尾，則會發生連音。
  • （勒上頭文字中，請注意輔音、元音與輔音字母、元音字母個區別。）
• 輔音字母「h」勒任何情況儕弗發音，但勒作為單詞開頭個辰光，要區分為「啞音」搭「噓音」，詞典上一般勒噓音單詞前加上「*」。啞音搭噓音區別主要是：啞音開頭個詞語，讀音、寫法變化搭元音開頭個單詞一樣，而噓音開頭單詞個變化搭輔音開頭個單詞一樣，即弗能連讀，也弗能省音等。

常用詞組

參見：各地常用會話列表

• 法語：le français [fʁɑ̃se]
• 儂好：bonjour [bɔ̃ʒuʁ]
• 再會：au revoir [oʁəvwaʁ]
• 請：s'il vous plaît [sil vu plɛ]
• 謝謝：merci [mɛʁsi]
• 搿個：celui-là或celle-là [sə lɥi la] / [sɛl la]
• 多少：combien [kɔ̃bjɛ̃]
• 漢語：le chinois [lə ʃinwa]
• 吳語：le wu [lə u]
• 英語：l'anglais[lɑ̃glɛ]
• 是：oui [wi]
• 弗、勿：non [nɔ̃]
• 我非常抱歉：Je suis désolé [ʒə sɥi dezɔle]
• 我弗曉得：Je ne comprends pas [ʒə nə kɔ̃pʁɑ̃ pa]
• 廁所勒哪裡相?： Où sont les toilettes ? [u sɔ̃ lɛ twalɛt]
• 碰杯：Bonne Santé! [sɑ̃te]
• 漢語儂會講𠲎？Parlez-vous chinois ?ouEst-ce que vous parlez chinois ? [paʁle vu ʃinwa]
• 英語儂會講𠲎？Parlez-vous anglais ?ouEst-ce que vous parlez anglais ? [paʁle vu ɑ̃glɛ]
• 我從中國來 je viens de la Chine [ʒə vjɛ̃ də ʃin]
• 儂叫啥嘎？Quel est votre nom？
• 我歡喜儂。Je t'aime.

語法

參見法語語法。

法語個動詞形態變化非常複雜，以動詞"être"[ɛtʁə]「是」為例：

時態（temps）	現在時（présent）				簡單未來時（futur simple）	未完成過去時（imparfait）		簡單過去時（passé simple）
語式（modes）	直陳式（indicatif）	虛擬式（subjonctif）	命令式（impératif）	條件式（conditionnel）	直陳式（indicatif）	直陳式（indicatif）	虛擬式（subjonctif）	直陳式（indicatif）
1人稱單數（je）	suis [sɥi]	sois	-	serais	serai	étais	fusse	fus
2人稱單數（tu）	es[e]	sois	sois	serais	seras	étais	fusses	fus
3人稱單數（il/elle）	est [e]	soit	-	serait	sera	était	fût	fut
1人稱複數（nous）	sommes[sɔm]	soyons	soyons	serions	serons	étions	fussions	fûmes
2人稱複數（vous）	êtes[ɛtə]	soyez	soyez	seriez	serez	étiez	fussiez	fûtes
3人稱複數（ils/elles）	sont [sɔ̃]	soient	-	seraient	seront	étaient	fussent	furent