洋务运动

洋務運動，是19世紀後半段，東亞個君主專制帝國清帝國個統治集團，為延續自家個統治搭存在，維護清帝國在拉變化當中個世界局勢中個地位，在拉1860年代到1890年代初個辰光當中進行個一場以模仿西方列強軍事工業、軍事制度、購買西方列強軍事器械，並初步構建配套個工業、制度體系個長期性活動。

洋務運動仿造個機槍

洋務運動個推動力量是同治帝、光緒帝辰光北京個慈禧太后、恭親王奕訢，地方個曾國藩、李鴻章、張之洞等。

在拉1870年代同1880年代，通過洋務運動裝備個清朝軍隊，在拉對外戰爭當中稍許扭轉之前單方面畀打個局面，取得清法戰爭、平定回亂、重占新疆之類戰爭個局部勝利。

弗過，洋務運動僅僅關心表面個器械效仿，對器械之外個事體，留心有限，也就導致伊拉在拉麵對全面學習西方個日本個辰光，在拉日清戰爭當中，一敗塗地。