淞沪线

淞滬線，即淞滬鐵路，貤叫淞滬支線，地處長江、黃浦江合流入海個三角地區。1898年9月1號通車，一開始只設有上海、靶子場、江灣、張華浜、薀藻浜5隻車站，每天開行8對旅客列車^[1]。

1939年上海畀日本人占領，由日偽「華中鐵道株式會社」管理，名字改成功吳淞線。抗戰勝利以後，修復到薀藻浜，名字改回淞滬線，主要送旅客。

1963年2月春節以後，淞滬鐵路轉成功貨運鐵路，只挺下來隻江灣火車站。

1987年，上海北到江灣間開行阿末一趟火車。1990年，淞滬支線沿線居民瞎搭瞎造，侵占鐵路地界，火車已經嘸沒辦法正常開哉^[2]。

1997年，江灣站往南個淞滬鐵路全部拆脫，只挺江灣站到何家灣站個鐵軌搭仔貨運服務哉。原線路個吳淞站到寶山路站變成功上海軌道交通3號線個淞濱路站到寶山路站段。