温州轨道交通S1线

温州轨道交通S1线又讴温州市域铁路S1线，是浙江省温州市第一条城市轨道交通线路，线路代表色为蓝色。S1线为温州轨道交通市域铁路网中个重要主干线，是温州南站、温州站、温州龙湾国际机场等弗同交通枢纽个纽带，全长约77公里，规划设28个车站，平均站间距2.8公里；当中一期工程全长53.507公里，设21个车站，当中预留3个车站。

西段（桐岭站到奥体中心站）勒拉2018年10月1号开始弗载客试运行^[1]^[2]，勒拉2019年1月23号开始开通试运营^[3]。2019年9月28号12点钟，全线通车运营。^[4]