上海漕河泾新兴技术开发区

上海漕河涇新興技術開發區，簡稱漕河涇開發區，來勒中國上海西南部，地跨徐匯區搭仔閔行區，是國家級經濟技術開發區、高新技術產業開發區、出口加工區，也是上海市張江高新技術產業開發區「一區二十二園」里向體量較大個隻園區。開發區個名字是從徐匯區漕河涇地區來個。

上海漕河涇新興技術開發區

歷史

1984年11月16號，上海市人民政府同意成立「上海市漕河涇微電子工業區開發公司」，成為漕河涇開發區發展個起點。

1988年6月7號，經國務院批准，上海將漕河涇微電子工業區擴建成漕河涇新興技術開發區，是上海經濟技術開發區之一，也是中國頭一批國家級經濟技術開發區。同年7月23號，上海漕河涇新興技術開發區正式成立。

1990年4月份，上海市人大常委會通過《上海市漕河涇新興技術開發區暫行條例》，成為全國頂早個開發區地方法規，依法促進國內外高新技術企業來勒開發區里向個研發創新搭產業化發展。1991年3月6號，上海漕河涇新興技術開發區升格成國家高新技術產業開發區。1992年，鄧小平來勒箇埭視察個辰光曾提出「姓資姓社」個論調^[1]。2003年3月10號，國務院同意來勒漕河涇浦江高科技園裏向設立上海漕河涇出口加工區。^[2]