牛顿第二定律

牛頓第二定律^[1]（英語：Newton's second law of motion）講個是物體受到個外力等於動量對時間個一階導數（一次微分值）。當物體勒垃運動個辰光質量弗變，箇末也好寫成質量搭加速度個乘積：

${\displaystyle \mathbf {F} =m\mathbf {a} }$ ；

當中，${\displaystyle \mathbf {F} }$ 是外力，${\displaystyle m}$ 是質量，${\displaystyle \mathbf {a} }$ 是加速度。

也好寫成功底能：

${\displaystyle \mathbf {F_{net}} ={\frac {d{\vec {p}}}{dt}}=m{\vec {a}}}$；

當中，${\displaystyle p}$ 是動量， ${\displaystyle {\frac {d{\vec {p}}}{dt}}}$ 是動量對時間個一階導數。^[2]

勒垃現實世界裡向，好多辰光儕嘸沒介便當，比方講火箭發射升空個辰光，會得噴出交關氣體燃料，也就是話支火箭發射前後個質量弗一樣，而且是慢慢能減少個，所以弗好直接用第二定律，要改成^[3]：

${\displaystyle \mathbf {F} _{g}+\mathbf {u} {\frac {\mathrm {d} m}{\mathrm {d} t}}=m{\mathrm {d} \mathbf {v} \over \mathrm {d} t}}$；

當中，${\displaystyle \mathbf {u} {\frac {\mathrm {d} m}{\mathrm {d} t}}}$ 是總個動力， ${\displaystyle \mathbf {F} _{g}}$ 是施加勒箇支火箭丄個外力，比方講地球對支火箭施加個重力，${\displaystyle \mathbf {u} }$ 是物體相對拋出去個質量個相對速度，${\displaystyle m}$ 是支物體個質量， ${\displaystyle \mathbf {v} }$ 是支物體相對地面個速度。