牛顿第二定律

牛顿第二定律^[1]（英语：Newton's second law of motion）讲个是物体受到个外力等于动量对时间个一阶导数（一次微分值）。当物体勒垃运动个辰光质量弗变，个末也好写成质量搭加速度个乘积：

${\displaystyle \mathbf {F} =m\mathbf {a} }$ ；

当中，${\displaystyle \mathbf {F} }$ 是外力，${\displaystyle m}$ 是质量，${\displaystyle \mathbf {a} }$ 是加速度。

也好写成功底能：

${\displaystyle \mathbf {F_{net}} ={\frac {d{\vec {p}}}{dt}}=m{\vec {a}}}$；

当中，${\displaystyle p}$ 是动量， ${\displaystyle {\frac {d{\vec {p}}}{dt}}}$ 是动量对时间个一阶导数。^[2]

勒垃现实世界里向，好多辰光侪呒没介便当，比方讲火箭发射升空个辰光，会得喷出交关气体燃料，也就是话支火箭发射前后个质量弗一样，而且是慢慢能减少个，所以弗好直接用第二定律，要改成^[3]：

${\displaystyle \mathbf {F} _{g}+\mathbf {u} {\frac {\mathrm {d} m}{\mathrm {d} t}}=m{\mathrm {d} \mathbf {v} \over \mathrm {d} t}}$；

当中，${\displaystyle \mathbf {u} {\frac {\mathrm {d} m}{\mathrm {d} t}}}$ 是总个动力， ${\displaystyle \mathbf {F} _{g}}$ 是施加勒个支火箭丄个外力，比方讲地球对支火箭施加个重力，${\displaystyle \mathbf {u} }$ 是物体相对抛出去个质量个相对速度，${\displaystyle m}$ 是支物体个质量， ${\displaystyle \mathbf {v} }$ 是支物体相对地面个速度。