王时敏

王時敏（1592年－1680年），老早叫做贊虞，字遜之，號煙客，晚號西廬老人，明帝國晚期，南直隸太倉縣（乃朝江蘇太倉市）人，祖籍山東莘縣，明末清初邪氣有名個畫家。伊是萬曆年個首輔王錫爵個孫子，翰林王衡個獨子。崇禎初年以蔭官太常寺少卿，滿洲軍隊南下後，出城頭像，弗過嘸再當官。王時敏歡喜畫山水，小辰光跟董其昌學習，並臨摹家藏宋元名作，拿黃公望作為標準，筆墨含蓄，渾厚清逸，之弗過構圖略少變化。伊開創山水畫個「婁東派」，對清帝國個畫壇影響老大。伊搭王鑑、王翬、王原祁並稱「四王」，加上惲壽平替吳歷，合稱「清六家」。王翬、吳歷皆出伊個門下，孫王原祁也得其指授。