电磁学

電磁學是研究電磁相互作用個學問，是物理學個一個分支。電磁相互作用是自然界當中四種基本相互作用之一^[1]。電學搭仔磁學密切相關，廣義浪向講電磁學包含個兩門學問，狹義浪向講電磁學是研究電搭磁之間關係個學科。電磁作用通常個表現有得電磁場、電場、磁場搭仔光。電磁相互作用是自然界當中四種基本相互作用之一，另外三種相互作用是強相互作用、弱相互作用搭引力。

閃電是一種勒兩帶電區域之間傳播個靜電放電現象。

圓偏振個電磁波輻射當中，電場矢量跟牢仔辰光個變化

電磁力在拉我伲日常生活當中交關物質個內部性質當中發揮仔主要個作用。譬方物質里向各個分子之間個分子間相互作用，就有得電磁力。在拉原子內部，電子畀束縛在許原子核周圍，原子搭原子之間因為電磁力咾形成功仔分子。化學反應從分子之間個相鄰個原子之間個相互作用產生，迭個也是電磁力個作用。