稀有气体

稀有氣體又稱惰性氣體、鈍氣、高貴氣體，是指元素周期表上個18族元素（IUPAC新規定，即原來個0族）。伊拉性質相似，拉常溫常壓下儕是無色無味個單原子氣體，老難進行化學反應。天然存在個稀有氣體有六種，即氦（He）、氖（Ne）、氬（Ar）、氪（Kr）、氙（Xe）搭具放射性個氡（Rn）。

稀有氣體個特性可以用現代個原子結構理論來解釋：伊拉個最外電子層個電子已「滿」（就是已經達成八隅體狀態），所以伊拉邪氣穩定，極少進行化學反應，至今只成功製備出幾百種稀有氣體化合物。