米开朗基罗

米開朗基羅（義大利語：Michelangelo [mikeˈlandʒelo]，1475年3月6日—1564年2月18日），全名米開朗基羅·迪·洛多維科·布奧納羅蒂·西蒙尼（Michelangelo di Lodovico Buonarroti Simoni），佢是文藝復興時期傑出個通才、雕塑家、建築師、畫家和詩人，與李奧納多·達文西搭拉斐爾並稱「文藝復興藝術三傑」，以人物「健美」著稱，即使女性個身體也描畫得肌肉健壯。佢個雕刻作品「達味像」舉世聞名，美第奇墓前個「晝」、「夜」、「晨」、「昏」四座雕像構思新奇，此外著名個雕塑作品還有得「梅瑟像」、「大奴隸」咾啥。佢頂頂著名個繪畫作品是梵蒂岡西斯廷禮拜堂裏向個《創世紀》天頂畫和壁畫《最後個審判》。佢還設計搭初步建造了羅馬聖伯多祿大殿，設計建造了教皇尤利烏斯二世個陵墓。米開朗基羅脾氣暴躁，弗合群，搭達文西與拉斐爾儕合不來，經常搭佢個恩主頂撞，但佢一生追求藝術個完美，堅持自家個藝術思路。米開朗基羅1475年生於佛羅倫斯共和國卡普雷塞，1564年在羅馬去世，時年88歲。佢個風格影響仔幾乎三個世紀個藝術家。

Michelangelo Buonarroti

小行星3001^[1]、水星上垃拉45.0°S，109.1°W個隕石坑^[2]以佢個名字命名以示尊敬搭紀念。

垃拉佛羅倫薩聖十字大殿裏向個米開朗基羅墓

米開朗基羅創作個聖殤像

米開朗基羅1504年完成個達味像是文藝復興時期最負盛名個傑作之一。

西斯廷禮拜堂個天頂畫。米開朗基羅爲之花費了四年個辰光。

米開朗基羅1515年創作個梅瑟像（居中）。兩邊是拉結搭利亞。

米開朗基羅垃1536年至1541年間所繪壁畫最後個審判。圖示部分爲巴爾多祿茂手提人皮，人皮個面部是米開朗基羅個自畫像。

羅馬聖伯多祿大教堂個圓頂，米開朗基羅設計。圓頂在佢逝世個辰光咾還嘸沒完成。