索尔·珀尔马特

索爾·珀爾馬特（Saul Perlmutter，養勒1959年9月22日）是勞倫斯伯克利國家實驗室個天體物理學家、伯克利加州大學教授，美國國家科學院院士。2003年拔美國科學進步協會選做會員。

索爾·珀爾馬特養勒一個知識分子家庭：爺是賓夕法尼亞大學化學搭生物分子工程名譽教授丹尼爾·D·珀爾馬特，娘是坦普爾大學社會管理學院名譽教授費里斯·D·珀爾馬特（娘家姓戴維森）。伊個外祖父薩繆爾·戴維森（1903-1989）是意第緒語教師，勒1919年從比薩拉比亞(今摩爾多瓦境內)小鎮弗洛雷什蒂移居加拿大，後來搭妻子哈伊卡·紐曼遷居紐約。

珀爾馬特1981年勒哈佛大學畢業並獲優等畢業生獎，1986年勒伯克利加州大學取得博士學位。珀爾馬特個博士論文選題是勒理察·A·穆勒個指導下搜尋候選個太陽伴星。

珀爾馬特是勞倫斯伯克利國家實驗室超新星宇宙學項目個負責人。該只小隊搭仔高紅移超新星搜尋隊作伙找仔到宇宙加速膨脹個證據。伊勒2011年得到諾貝爾物理學獎。

事实速览