维基百科

維基百科是只多種言話個、內容自由個網絡百科全書項目。維基百科個英文名字"Wikipedia"是"wiki"（一項技術用來建立好佐隊編寫個網站。「wiki」是從夏威夷言話里來個，是「快」個意思。）搭仔"encyclopedia"（百科全書）拼檔拼起個。志願者好合作編寫維基百科，允許任何上網好上個人來編寫差弗多全部個文章。維基百科主伺服器勒佛羅里達，阿姆斯特丹搭首爾也有伺服器勒篤。

維基百科

網站類型	網絡百科全書項目
持有者	維基媒體基金會
創始人	吉米·威爾士搭拉里·桑格
網站	https://www.wikipedia.org/
商業性質	非
註冊	好選

維基百科乃歇是非盈利機構維基媒體基金會勒篤運作。渠是拉里·桑格搭吉米·威爾士創立個，前者2002年個辰光已經辭職哉。威爾斯實梗描述維基百科，「大家用自家個言話一道來用勁創造搭發布一隻多言話個、自由個、儘量高質量個百科全書畀該星球浪個每個人。」^[1]

特徵

維基百科用一個名字叫維基的軟件。允許訪問者添加、刪除再末編輯搭仔改變渠個內容。為之講一大淘人來建立文章就可能哉；來有新信息個辰光，渠等還好再根據渠更新文章個內容。還有一方面，還包括該樣個意思，即對內容個惡意篡改搭之弗同意見也是蠻普遍個。

搭交關別個百科全書兩樣，維基百科拿渠個內容儕來GNU自由文檔許可證(GFDL)下底發布。

維基百科有一系列個政策來確定哪面個信息好包含來文章裏向。來嗨有爭議個辰光，譬如講特定個內容到底阿要添加、修改還是移動到姊妹項目去或者索介刪脫。維基百科的核心政策之一就是寫文章要用所謂個中性觀點。簡言之，就是要拿一隻物事個有價值個方方面面儕寫出來，弗好偏袒任何一方，外加還要拿相應個證據拿出來支持渠等。

維基百科也禁止發布自家個研究，就是所謂個NOR（No Original Research）政策。該個政策個本意是防止有自家理論個人拿維基百科來為渠等自家個理論吸引眼球。「自家個研究」包括編輯人個自家個個人觀點、政治觀點搭之任何渠自家個對已經出版個材料超出原著者本意個過分個分析或者綜合。也就是講，維基百科發布個任何事實、觀點、解釋、定義搭仔論據板定要是已經出版發布個搭當前文章搭界個可靠材料浪個。

只要滿足下底列表裏向個任何一條，該次編輯就好算作個是「自家個研究」：

• 渠介紹一隻理論或者解決方法；
• 渠介紹編者自家個個人觀點；
• 渠定義新名詞；
• 渠提供或者假設已經之前已經存在個名詞個新定義；
• 渠來嘸沒引用權威源頭個情況下底，介紹一隻新個論點或者論據，來反對或者支持另外一個觀點、理論、論據或者立場；
• 渠介紹已經勒浪個事實、想法、觀點或者論據個分析或者綜合。而該個分析或者綜合又偏向編輯者自家個喜好，且嘸撥權威個來頭。
• 渠介紹一隻新詞彙，還嘸沒權威個來頭。

維基百科並弗是想拿相關條目建立成功所謂個客觀事實，實際上是想對所有相關個觀點不偏不倚。

各樣個言話版本

言話弗同個版本運作獨立，𣍐讓別樣言話版本個內容限制牢，也弗要求主題相同個文章板定要別樣言話版本翻譯來。自動翻譯個文章絕對無用，而精通多種言話個編寫人自家翻譯是鼓勵個。當然言話弗同個版本儕要遵守全球一樣個政策，譬如「中性觀點」，雖然講來政策個細部搭執行浪可能尺度兩樣。文章搭圖片，各言話版本個維基百科是共享個：文章好通過維基間連結搭翻譯請求頁面共享；圖片也好通過維基共享資源庫存系統共享。

下底是超過15,00,000篇文章個維基百科個前頭幾隻，數據截至2020年10月3號。

1. 英語 (6,167,774)
2. 宿霧語 (5,337,992)
3. 瑞典語 (3,660,342)
4. 德語 (2,485,812)
5. 法語 (2,253,724)
6. 荷蘭語 (2,034,144)
7. 俄語 (1,665,025)
8. 意大利語 (1,638,738)
9. 西班牙語 (1,630,234)

吳語維基百科到乃末共總有46368篇文章。