约瑟夫·史密斯

約瑟夫·史密斯（英語：Joseph Smith Jr.，1806年—1844年6月27號），生勒美國佛蒙特州，摩門教創始人。

先知、牧師、國王

史密斯小辰光，佗住個地方充滿宗教狂熱。

24歲發表《摩門經》，編造着三個古代美洲文明，讓摩門教徒也尋弗着考古根據。又拿本欽定版聖經，照自家個想法改改，說箇纔是正確個翻譯，到死嘸不完成，也朆得到古代文獻個印證。

佗創立摩門教，吸引着大批追隨者。摩門教實行一夫多妻制，佗經常向別人家個老婆求婚，亨八冷打討着40個老婆。

住勒密蘇里州個辰光，頭吃昏落，帶信徒攻擊當地民兵，畀抓牢，尋機會逃到伊利諾伊州。貤組織着一個五十人委員會，拿佗自家選為千年王國「先知、牧師、國王」。

1844年，史密斯搗毀批評佗個報社，畀抓出來指控煽動暴亂。6月27號，一幫人衝進監牢拿佗亂槍打煞，殺人者後歇來無罪釋放。