络几维·阔拿武·苏拉

絡幾維·闊拿武·蘇拉（拉丁文：LVCIVS·CORNELIVS·L·F·P·N·SVLLA·FELIX，前138年-前78年），是羅馬共和國晏期個政治家、軍人搭獨裁者。伊出身羅馬名門，弗過家業中落，後勢來依靠立在軍隊當中服務抬頭，開始立在丐巫寺·馬略門下效力，之後立在同盟者戰爭當中展露水平。到西元前80年代，屢次參與混亂個羅馬高層權力鬥爭，並依靠自家個私人軍隊，進入羅馬，展開獨裁統治。伊性格風趣幽默，立在君度里有老大個支持率，同時也擁有蠻好個軍事才能，是元老院保守主義人物個代表。