统一新罗

統一新羅（韓語：통일신라／統一新羅），貤叫大新羅（대신라／大新羅）、後新羅（후기신라／後期新羅），朝鮮半島一隻朝代。公元668年，新羅聯合唐朝滅脫百濟高句麗，結果唐來勒平壤設安東都護府管理朝鮮半島，引發唐羅戰爭。經過7年個戰爭，唐拿安東都護府從平壤遷到遼東（乃朝遼陽），新羅統一朝鮮半島大同江到元山灣以南個地區。真聖女王時期開始，新羅爆發全國範圍個大規模農民起義，各地貴族也紛紛造反。901年，朝鮮半島出現後百濟、後高句麗、新羅個後三國鼎立局面。935年，新羅畀高麗合併脫，結束伊267年個統治。