耶路撒冷

耶路撒冷（希伯來文：יְרוּשָׁלַיִם‎ ，拉丁轉寫：Yerushaláyim；阿拉伯文：القُدس‎ ，拉丁轉寫：al-Quds；唐朝景教根據敘利亞語「Ūrišlem」譯作烏梨師斂）是中東個黎凡特地區當中個一個內陸城市。乃朝也是以色列搭巴勒斯坦儕聲稱個自家首都。此地個歷史好追朔到幾千年之前。後勢來，因為猶太教，基督教搭回教個經典緣由，成為這些宗教個聖城。從此，獲得立在中東搭西方世界無與倫比個特殊地位。到1948年之後，城市個西面劃分把猶太人建立個以色列統治，東面劃分把阿拉伯人（實際畀約旦佔領）。1960年代之後，以色列控制全境。弗過立在聖殿山、石頭圓頂等問題高頭，還是搭阿拉伯人關係邪氣緊張。耶路撒冷有交關獨一無二個宗教遺蹟，包括猶太人個精神寄託哭牆搭耶穌個安葬場化聖墓教堂。

從左上開始：耶路撒冷天際線、馬米拉、舊城搭石頭圓頂、舊城個露天市場、以色列國會、西牆、大衛塔搭舊城個城牆

• 耶路撒冷 - Jerusalem - ירושלים
• 
• 
• 
• 
• 
• 
• 
•