圣神降临节

聖神降臨節，亦稱五旬節，聖神降臨瞻禮勒耶穌升天后個第十天。由於本瞻禮勒復活節後個第五十日——主日，所以又稱「五旬主日」。新約聖經記載耶穌升天后第十日；當聖母搭門徒們勒夜飯廳中祈禱時，天主聖神借猛風個聲、火舌個形降臨了。宗徒們領受了聖神，開始宣講福音，當天便有三千人領洗進教。(宗2：1—41)由此，耶穌建立個教會誕生了，因為勒箇天主教會開始了祂個工作，告咾聖神降臨節也畀稱為「教會個生日」。聖神降臨瞻禮有兩台專用彌撒。第一臺為前夕彌撒，勒星期六夜裡舉行。彌撒勒頌謝詞中指出，五旬節逾越奧跡個完成，也是教會個誕辰。第二台是勒當天舉行個彌撒；彌撒勒讀經二後唱(或念)一首歌頌聖神個讚美詩——繼抒詠，箇是一首十三世紀個作品，詩中指出了聖神對信友生活個重要性。本瞻禮彌撒祭服為紅色。紅色使人想到，聖神降臨時火舌約形象，也表示聖神愛火炎炎。^[1]

描繪聖神降臨個古代福音書插圖

起源

五旬節源於七七節，以色列人要從尼散月16日——佢拉個大祭司擔一捆新熟的大麥獻畀拉YHWH作為初熟果子個那天，數算七個星期。箇一共是49天，然後佢拉會得勒第50天守七七節。當後來一群猶太人將聖經譯成希臘文個辰光，希臘文個「第50」（日）一字是賓特哥斯提（pentecostē′）。告咾，說希臘語個猶太人遂擔七七節稱為賓特哥斯特（英文Pentecost，五旬節）。大約勒第三世紀末期，開始慶祝此第五十天，舉行較隆重個慶典，此慶節也取用了猶太人為這一天個名稱：「五旬節」。但勒最初，仍嘸沒關於此慶節之對象個記載。到第四、五世紀個辰光，有一些關於「五旬節」個記載，譬如都林個瑪西模，以及到聖地朝聖個艾特麗亞個著作，儕證明勒箇天仔特別追念聖神降臨搭耶穌升天兩項事件。大約模勒第四世紀末，交關地區個教會已擔耶穌升天個史實做獨立個慶祝。後首來，兩史實分別勒兩慶節慶祝個習慣就普遍成立了。此第五十天原始個概念是整個復活期（慶典）個結束日。但勒羅馬禮儀中，勒第四、第五世紀時，逐漸形成一種趨勢：使此日成為一種獨立個單元，多少有眼孤立性質個慶節，聖神降臨：為加強其重要性，勒第七世紀時更附以八日慶節。可惜，迭種做法忽視脫迭個一天原有個意義與性質。

勒此日成為一獨立慶節個同時，至少勒西方教會中，迭天仔也成為重行逾越慶典個一天：為伊點勒逾越節前夕弗能領洗個望教友舉行入教儀式。為此，此慶節也具有一守夜禮，與逾越節前夕相仿。勒第六世紀個辰光咾，其前夕星期六更定為守齋日，作為過節個準備。

勒教父們個著作里向，如聖奧斯定、聖良、聖國瑞、聖金口若望等儕表示，此慶節個主要特點是追念聖神降臨勒宗徒們身丄，以及教會被派去執行傳教個使命。但是這些弗應畀視為單獨個事件。迭些事件只是反映出了基督整個救世奧跡個一方面。聖神降臨與基督個死、復活、升天有極密切個關係。聖神降臨日弗願強調是聖神個節日。因為事實丄，是耶穌升天后派遣聖神降來，是耶穌救世工程個成果。^[2]