圣诞

聖誕節，又名耶誕節，來勒陽曆12月25號，是基督教傳統節日，源於耶穌出生。

丹麥一個人家屋裏個聖誕樹

聖誕由來

傳說瑪利亞感受聖靈懷孕仔耶穌，隨後頭搭仔約瑟成婚，勒到一個小旅館個馬棚裏向生落耶穌。聖誕個意思就是「聖人」個誕生。

實際上，耶穌誕生個日腳無從考察。一般認爲，大概來公元336年，羅馬大帝康斯坦丁正式拿12月25號，箇個搭基督教無關個日腳宣佈爲基督教個聖誕節。

慶祝方式

交關人家會得勒自家屋裏向擺一棵小樹，叫「聖誕樹」。有辰光勒樹浪掛好星禮物，互相之間贈送。小朋友喜歡聖誕節個一個目的就是，勒前夜伊俚可以許願，聖誕老人會得從煙囪里向爬進來，拿禮物送畀伊俚。

吳越人搭聖誕節

因為聖誕節是基督教節日，立在明朝晏末階段，開始立在江浙地區個天主教徒當中流行，到現在已經有四百多年歷史哉。弗過，乃朝大部分慶祝聖誕個吳越人，一般拿迭個節日當做純粹個商業活動來進行。並嘸多少宗教含義立在當中。弗過，吳越地區個基督徒，還是會立在聖誕當天到教堂舉行慶祝活動。上海個徐家匯天主堂、國際禮拜堂儕人聲鼎沸，邪氣鬧猛。

外部連結

• 傳統的聖誕 檔案，存勒互聯網檔案館當中。（2015年12月22號）

維基共享資源里向尋得着搭該篇文章搭界個多媒體資源：

聖誕