胡安·何塞

胡安·何塞（西班牙文：Juan José de Austria，1629年4月7號—1679年9月17號），是十七世紀西班牙個有名軍事將領搭權臣。伊從血統上講起來，是西班牙哈布斯堡王朝費利佩四世個私生子。伊個媽媽是有名個演員瑪利亞·咖德隆。伊從小受到良好個教育，外交才能結棍，軍事技巧高超。是費利佩四世維持西班牙境外領土個重要軍事將領。並且幫助國王平息佳泰隆收割者叛亂。先後立在西西里、西屬低地、佳泰隆搭葡萄牙出任最高指揮官。弗過，因為西班牙總體國力個下降，伊個軍事行動雖然受到一定成效，弗過大部分儕以失敗告終。比方講對西屬低地個戰爭，就最後失敗，讓荷蘭共和國正式獨立。立在葡萄牙個干涉，也嘸扭轉局面。1665年費利佩四世死脫之後，指定伊幫助先天發育有問題個兒子卡洛斯二世處理國政。個當中，伊搭卡洛斯二世個媽媽發生衝突，拿王太后趕跑。立在1677年實際控制西班牙。之後推行一系列改革，讓西班牙個局面略有好轉。弗過，1679年，伊得毛病（另外一種講法是畀敵對勢力毒殺）死脫。之後，西班牙個局面又回到繼續衰落個道路高頭去哉。