苏州轨道交通7号线

蘇州軌道交通7號線是中國江蘇省蘇州一條來勒造個軌道交通線路，從相城區春秋路站到吳中區旺山路站。箇當中，紅莊站到木里站作為蘇州軌道交通4號線個支線來勒2017年4月15號開通運營，設有天鵝蕩停車場。^[1]7號線預計來勒2024年12月份開始初期運營，當中4號線支線來勒2024年10月10號接入7號線個運行系統哉^[2]，常樓站到紅莊站區間來勒2024年12月1號開始初期運營^[3]，而雪南到莫陽段計劃來勒蘇州北站改擴建工程同步造好以後投入運營^[3]。7號線個標誌顏色是淺紫色。

蘇州軌道交通7號線線路圖

歷史

• 2018年8月14號，國家發改委批覆《蘇州市城市軌道交通第三期建設規劃（2018～2023年）》，同意建設7號線。

• 2019年12月25號，蘇州軌道交通7號線開工。^[4]

• 2022年2月7號，中華人民共和國國家發展改革委員會正式批覆《蘇州市城市軌道交通第三期建設規劃調整（2021-2026年）》，同意造蘇州軌道交通7號線北延段工程。^[5]

• 2023年9月27號，蘇州軌道交通4號線支線（紅莊站到木里站）拆解接進蘇州軌道交通7號線部分個機電系統改造施工工作完成。12月28號，蘇州軌道交通7號線完成首通段專用通信傳輸系統聯調。^[6]

• 2024年10月10號，4號線支線接進7號線個運行系統哉。

• 2024年11月22號到24號，7號線常樓到楓津路開展免費試乘活動^[7]。

• 2024年12月1號，7號線常樓-木里段開始初期運營，當中白蕩南站暫緩開通^[3]。