蒋村街道（杭州市）

蔣村街道，是吳越杭州市西湖區個一個街道。駐地杭州市西湖區文二西路818號。^[1]街道個名頭來自老底子個蔣村（後首來官方名稱叫蔣村村）。^[2]西溪濕地勒垃街道裏向。

蔣村地鐵站

歷史沿革

1949年5月份，杭縣設立三墩區，下頭管8個鄉，蔣村歸蔣邱鄉搭履泰鄉。1950年5月份，杭縣設立留下區，下頭管7個鄉，蔣村歸留下區蔣村鄉、履泰鄉。1951年6月份，杭縣留下區調整成11個鄉，難朝蔣村個地方內有3個鄉（蔣村鄉、龍章鄉、履泰鄉）。1956年4月份，留下區撤區並鄉，蔣村鄉、龍章鄉、履泰鄉、東嶽鄉合併。1958年4月份，杭縣撤脫，劃到杭州市郊區上泗區，下頭管8個鄉，難朝蔣村個地方個東嶽鄉歸杭州市郊區上泗區管。1958年10月份，人民公社化，蔣村個地方設立蔣村大隊，歸留下人民公社管。1959年3月份，經浙江省人民政府批准分別建立半山搭拱墅兩個聯社， 蔣村個地方歸杭州市拱墅聯社留下人民公社蔣村管理區。1960年1月份，拱墅聯社、半山聯社合併成錢塘聯社。蔣村個地方是錢塘聯社留下人民公社東嶽管理區管個。1961年4月份，錢塘聯社改成餘杭縣，餘杭縣三墩區建立，蔣村從留下人民公社分出來，建立蔣村人民公社。1984 年5月份，蔣村人民公社改成蔣村鄉人民政府。1992年1月份，浙江省拆區併鄉，蔣村鄉併進餘杭縣三墩鎮，後首來設立三墩鎮蔣村辦事處。^[3]

1996年，餘杭市三墩經濟區個蔣村辦事處跟牢區劃調整轉成杭州市西湖區人民政府蔣村辦事處。1996年12月30號，經過浙江省民政廳批准，蔣村辦事處改成鄉建制。 1997年9月23日號，蔣村鄉人民政府正式成立。1998年8月19號，蔣村鄉個駱家莊、五聯村劃出，建立西湖區人民政府文新街道辦事處。^[4]

2003年，蔣村鄉個登雲圩行政村建制撤脫，建立登雲圩社區；蔣村街居民區撤脫，新建蔣村街社區。2004年，蔣村鄉包建村、王家橋村、周家村、三深村、深潭口村、蔣村村、龍章村、楊家埭村、雙龍村、合建村撤脫，新建包建社區、王家橋社區、周家社區、三深社區、深潭口社區、蔣村社區、龍章社區、楊家埭社區、雙龍社區、合建社區。^[4]

2007年，蔣村鄉登雲圩社區劃畀文新街道辦事處管，蔣村鄉建制撤脫，設立蔣村街道辦事處，調整以後，蔣村街道辦事處下頭有12個社區、1個行政村，街道辦事處駐地弗變，原得勒文一西路788號。^[4][5]到2015年12月份，蔣村街道下頭有府苑、西溪、蔣村花園、仕林、競渡、誠園、蝶園、西溪里介8個社區，搭包建、王家橋、周家村、三深、深潭口、蔣村、龍章、楊家埭、雙龍、合建、西溪介11個經濟合作社。^[3]

行政區劃

蝶園社區、誠園社區、競渡社區、仕林社區、蔣村花園社區、府苑社區、河濱社區、西溪里社區^[6]