衡山路-复兴路历史文化风貌区

衡山路—复兴路历史文化风貌区，简称“衡复风貌区”，面积7.75平方公里，是中国上海市立法保护^[1]個一隻历史文化风貌区，也是中心城区12隻历史文化风貌区里向规模顶大个一隻，风貌区分属徐汇、黄浦（原卢湾部分）、静安搭仔长宁四隻区，主体勒垃徐汇区里向。

历史特色

箇隻历史文化风貌区个建筑主要特色是花园住宅，是上海花园住宅分布顶集中个区域之一，风貌特色保存顶完整个地方。箇𡍲还有相当数量个老公寓、新式里弄、优秀公共建筑、革命史迹咾啥个。大部分建筑侪是1919年（第一次世界大战结束后）到1941年（太平洋战争爆发）当中造个。

2005年10月27号，上海市人民政府批准市规划局会同徐汇、卢湾、静安、长宁4区共同编制个《衡山路—复兴路历史文化风貌区保护规划》，风景区里向个所有道路侪变成景观道路哉。

保护范围

衡复风貌区范围大致相当于老底子上海法租界1914年扩展个部分（所谓法新租界）。占地面积775公顷，有得近2000幢历史建筑，约占全市历史建筑个40%。伊涉及徐汇、卢湾、静安、长宁四个区，仅徐汇区部分个4.3平方公里范围里向就有得历史花园洋房建筑1336幢，建筑面积65.7万平方米，约占上海市1949年前个花园住宅总面积个46%，历史保护建筑82处，占徐汇区总量个90%。

• 东界：重庆中路-重庆南路-太仓路-黄陂南路—合肥路-重庆南路；
• 南界：建国中路-建国西路-嘉善路-肇嘉浜路；
• 西界：天平路-广元路-华山路-江苏路；
• 北界：昭化东路-镇宁路-延安西路-延安中路-陕西南路-长乐路。