袁枚

袁枚（1716-1797），清朝中期个著名诗人搭散文家。字子才，号简斋，别号随园老人，来勒伊活勒个辰光，人家也叫伊随园先生，吴越杭州钱塘（今浙江杭州）人，祖籍浙江慈溪^[1][2]，曾经做过江宁知县（今江苏省南京市江宁区）。是乾隆辰光搭纪昀齐名个文坛领袖。

著作

袁枚一生写过交关书籍，其中顶有名个有：《子不语》、《随园诗话》、《小仓山房文集》。伊个著名文章《黄生借书说》描绘一个书生向伊借书个过程，其中个“书非借不能读也”已经成为家喻户晓个名言哉。

兴趣

袁枚是满洲帝国中期有名个文坛人物，有邪气多个兴趣爱好，伊欢喜收集了鬼故事，以简洁明暸的笔法，写成笔记小说《子不语》，搭纪昀个《阅微草堂笔记》齐名，是满洲怪诞小说个代表作。

袁枚也是一位美食家，邪气欢喜美食鉴赏，为此还专门写过一本美食著作《随园食单》，个本书是是清朝一部系统谈论烹饪方法搭帝国各地小菜个重要著作。迭部书出版于乾隆五十七年〈1792年〉。