資本主義

资本主义（英语：Capitalism），也叫自由市场经济或者自由企业经济^[1]，是人类协作个扩展秩序。俚个特色是私人拥有资本财产（生产工具），外加投资活动侪是个人决策个，弗是国家控制个，经济行为个目标是寻求利润^[2][3][4] 。藉雇佣或者劳动个手段用生产工具创造利润。商品搭服务靠钞票勒自由市场里向流通。投资个决定由私人来做，生产搭销售主要由公司搭工商业控制还互相竞争。一般普遍认为资本主义勒西方世界个封建制度崩脱过后成为仔顶顶主要个经济模式^[5]。

“资本主义”该个词也畀穷多人用得来形容历史浪弗一样个人、辰光、场化、物事^[6]，除脱自由放任个资本主义以外，也有福利资本主义、国家资本主义等等打仔资本主义称号个经济模式。勒垃对资本主义个解释浪向，支持自由放任个经济学家反对政府朝对市场个干预，还强调财产权利个重要性^[7][8]。畀过夜有人主张政府管制个必要性来避免垄断搭景气循环个负面作用^[9]。绝大多数个政治经济学家侪拿私人产权看成功资本主义顶重要个特色，必过勒垃资本主义下头个雇佣关系、经济权力、阶级、搭仔历史发展等等就有弗一样个看法^[10]。市场个自由程度、搭仔私人财产个法规，是政治搭政策浪争论个主要议题。现在大多数国家侪畀看成功“混合经济”^[11]，勒该种体制下头政府用弗一样程度个计划政策干预市场个自由运作^[10]。