赛马娘 Pretty Derby
From Wikipedia, the free encyclopedia
Remove ads
賽馬娘Pretty Derby（日文：ウマ娘 プリティーダービー，簡稱ウマ娘）是遊戲公司Cygames做個，包括遊戲、動畫片、漫畫搭仔音樂個多媒體企劃[1][2]。翻譯成功吳語應該叫跑馬細娘（簡稱也是馬娘）。
遊戲本身定拉2018年底開放孛相，結果拖到仔2021年2月24號纔推出手機版個遊戲，3月10號又推出電腦DMM版個遊戲。繁體中文手機版個遊戲，也叫台灣版、香港版，勒拉2022年6月27號拉港澳台地區推出[3]。2023年3月20號，中華人民共和國國家新聞出版署發布新一批個進口網路遊戲審批公告，箇遊戲獲得官方發個版號，叫「閃耀！優俊少女」，由bilibili代理發行[4][5]。
遊戲內容是拿賽馬個擬人化作主題個，通過拿下「閃光系列賽」個勝利作為目標個養成遊戲。
電視動畫片方面，勒拉2018年放仔第一季動畫，2020年放仔《賽馬娘四格》搭仔2021年放仔第二季、2023年放仔第三季，2025年放仔相關漫畫改編個《賽馬娘 蘆毛灰姑娘》咾啥個。
Remove ads
故事介紹
箇是從異世界傳承仔光輝個姓名搭仔競跑能力個「馬娘」、從老早以來就搭人類共存拉個世界上向個故事。
從鄉下頭轉學到大都市個馬娘——特別周（日文：スペシャルウィーク；洋文：Special Week），搭同學淘里相互切磋、賭上「日本第一馬娘」個稱號，目標是拉「閃光系列賽」中取得勝利。
遊戲操作介紹
作為馴zing1馬師（日文：トレーナー。馴，音同尋）養成（日文：育成）馬娘，培養好仔以後讓伊去參加比賽（日文：レース)。
養成個模式
遊戲當中，每一趟養成個過程（下頭拿伊叫「一趟」）儕是3年36個月頭搭仔後頭3場特殊個比賽，每個月頭又畀拆分成「上半」搭仔「下半」2個「回合」。
勒拉每一趟當中，每隻馬娘儕會得有些伊拉需要達成個目標，有個是規定勒拉特定個辰光參加特定個比賽、撈到特定個排名，有個是達到特定個粉絲人數。同時，每場比賽也有參加所需要個最少粉絲人數個限制，等級越高個比賽，限制也越高。假使講勒拉特定個辰光，粉絲人數弗夠（包括弗夠參加特定個比賽），箇末箇一趟就會得直接結束； 假使講是參加仔比賽，但是嘸沒達成特定個排名，箇末可以用「鬧鐘」道具重新進行箇一場比賽，同時心情（やる気，幹勁）也會得提升一個等級（最高等級是邪氣好（絶好調，極好））。
馴馬師勒拉開始養成個辰光需要特定2個已經養成結束個馬娘，讓箇趟養成個馬娘勒拉攏總3趟個繼承當中撈著伊拉搭伊拉個繼承來源個屬性因子，同時隨機撈著些技能因子，也有可能撈著適性因子。箇些因子好提高馬娘對特定場地/距離/跑法個適應性。 同時，馴馬師要挑定攏總6張支援卡，勒拉養成個過程當中，伊拉會得觸發事件、提供加成。
- 訓練個項目（トレーニング）
- 速度（スピード）：影響速度個上限。
- 耐力（スタミナ）：維持速度。
- 力量（パワー）：影響爬坡個辰光個速度，搶內道個能力搭仔加速度。
- 毅力（根性）：降低阿末衝刺個辰光個耐力消耗。
- 智力（賢さ）：影響技能個觸發概率，降低「弗冷靜（掛かり，失去冷靜）」個發生概率，勒拉比賽當中可以挑比較好個路徑去跑。
養成當中還有事件（イベント），可以分成主要事件（メインイベント）、支援卡事件搭隨機事件。事件可能會得影響訓練項目搭仔狀態，支援卡事件有個辰光還會得送技能。
- 心情(やる気，幹勁)
- 心情是勒拉養成當中搭仔每場比賽前儕會得出現個一個屬性，可以分成五級。好個心情會得勒拉養成個辰光送額外個屬性點、比賽個辰光也好有額外個屬性加成。相反，壞個心情就會得減脫箇數據。
- 邪氣好（絶好調，極好）：訓練個效果提高20%，比賽個基礎能力提高10%。
- 好（好調，好）：訓練個效果提高10%，比賽個基礎能力提高5%。
- 普普通通（普通，普通）：嘸沒啥影響。
- 推班（不調，糟）：訓練個效果減脫10%，比賽個基礎能力減脫2%。
- 邪氣推班（絶不調，極糟）：訓練個效果減脫20%，比賽個基礎能力減脫5%。
- 比賽個會得出現個負面效果
- 弗冷靜（掛かり，失去冷靜)：比賽個辰光會得有一定概率觸發個負面效果，邪氣浪費自家個耐力。
- 出來晏（出遅れ，晚出閘）：比其他個馬娘，起跑個辰光晏哉。
- 出去逛（お出かけ，外出）
- 散步：提高一檔心情，回復體力
- 去神社：提高一檔心情，根據抽到個簽，決定回復個體力數量個多少
- 卡拉OK：提高兩檔心情
- 搛洋娃娃個機器：勒拉出去逛個事件後頭，會得有一定概率觸發。根據搛洋娃娃個結果，可以回復體力，甚至可能撈到技能
- 醫護室（保健室）
- 只有馬娘已經顯示生毛病個辰光才好去，概率去脫現在有個毛病。
比賽（レース）
賽馬娘個比賽是自動進行個，馴馬師嘸沒辦法操作。弗過，箇個比賽模式像現實當中個賽馬比賽，只有撈得頭一名才算贏。
比賽個辰光也有心情個影響。勒拉養成個辰光，比賽里個心情就是箇些辰光里馬娘養成個心情；勒拉其他比賽當中就是隨機生成個；勒拉劇情比賽里向，拿特定個馬娘參加比賽，心情會得設定成邪氣好。
對後頭兩種弗勒拉養成當中個比賽，可以用道具來提高伊拉個心情搭仔拿到對自己個馬娘有利個條件。
PVP模式
- 馴馬師勒拉養成模式里養出匹馬娘後頭，就好擺到PVP個隊伍里向去參加比賽，攏總有五場比賽，好分成短距離賽、英里賽、中距離賽、長距離賽搭仔泥地賽。一場比賽當中最多可以擺三隻馬娘。
- 只要有一隻拿到第一名，箇場比賽就算贏，攏總採用五局三勝制。
Remove ads
用語
- 馬娘
- 勒拉箇個世界當中，馬弗是現實世界個馬，是長仔馬耳朵、馬尾巴個像煞細娘個物種。伊拉有比普通人類更好個腳勁搭體力，奔跑速度好達到時速60公里，大多長來交關標緻。也有弗競馬、做一般性生活個馬娘。伊拉好搭普通人類交合；但養得出養弗出馬娘弗是靠遺傳——也就是講普通人之間也好養出馬娘；馬娘個後代弗一定是馬娘。弗存在男個「馬娘」。外加「馬」勒拉作品個世界當中，下面四點少脫當中兩筆，暗示是兩隻腳。
- 閃光系列賽（トゥインクルシリーズ）
- 由URA組織舉辦個比賽，勒拉每個雙休日腳進行。
- 比賽後頭還有勝者舞台。
- 參加比賽個馬娘必須加入馴馬師個隊伍。
- 比賽是分級制度，比方講「GI」、「GII」。
- 勒拉整個比賽日腳里，比賽搭仔Live會得通過電視、廣播、網絡等多個方法轉播[6]。
- 出道（デビュー）
- 勒拉特雷森學堂個馬娘報名參加閃光系列賽個必經程序。
- 伊拉勒拉特雷森學園裡個頭一樁事體，就是勒拉校內選拔賽當中展現自家，希望可以被馴馬師選到隊伍當中。
- 所以，每個馬娘勒拉入學到出道箇段辰光，經歷弗大一樣[7]。
- 特雷森學堂（トレセン學園特雷森學園）
- URA管理個馬娘培訓學堂，全稱是「日本賽馬娘訓練中心學園」。
- 特雷森是一家招頂尖實力個馬娘，讓伊拉每天學習個學堂。
- 為仔訓練馬娘個跑步能力，特雷森勒拉一般個初中、高中課以外額外加仔比賽、勝者舞台等相關個特製教書內容。
- 除脫特殊情況，所有個馬娘均要留拉學堂里住宿；而馴馬師也一樣住拉學堂附近[8]。
- URA
- 組織舉辦閃光系列賽、勝者舞台搭仔開特雷森學堂等設施個機構。
- 全稱「Uma-Musume Racing Association」。
- 馬娘伊拉勒拉GI比賽里著個勝負衣裳，還有勝者舞台里向唱個歌，儕是由URA負責製作個[9]。
- 勝負衣裳（勝負服，決勝服）
- 只拉閃光系列賽里向個的GI比賽里向著個個人特殊衣裳。
- 馬娘勒拉伊拉頭一趟班名參加GI比賽個辰光撈到伊拉個頭一件勝負衣裳。
- URA會按照馬娘出道個辰光勒拉報名表浪填個設計樣式，儘量還原出伊拉心目中個樣式[10]。
- URA獎（URA賞）
- 每年，URA發布個獎，目的是表揚閃光系列賽當中表現突出個馬娘。
- 分成好幾個獎項，譬如「最佳初級獎」、「最佳經典獎」、「最佳高級獎」、「最佳短途獎」、「最佳泥地獎」。
- 除脫箇些，勒拉箇一年裡向表現頂頂好個馬娘會得被挑出來，成為「年度代表賽馬娘」，是馬娘當中頂頂高身份地位個象徵。
- 一般性，獎品儕是新的勝負衣裳[11]。
- 距離適應性
- 馬娘勒拉賽跑距離上個擅長程度。每名馬娘儕有不一樣個適應性：短距離、一英里、中距離或者長距離。
- 假使參加個比賽不符合馬娘自家個適應性個閒話，大多數情況下頭，伊拉老難同其他符合適應性個馬娘搶頭一名。
- 所以，假使講想變成「三冠賽馬娘」（皋月賞（2000米）、日本德比（2400米）、菊花賞（3000米）），或者打到「天皇賞春秋連霸」（天皇賞．春（3200米）、天皇賞．秋（2000米））儕老困難個[12]。
- 隊伍（チーム，隊伍）
- 為仔參加閃光系列賽，由馴馬師組織起來個，受URA認可個馬娘團隊。
- 勒拉馴馬師個指導下頭，不同個隊伍有自家個特色。
- 譬如擅長短距離比賽個隊伍、訓練規劃細緻緊密個隊伍、重視實戰經驗個隊伍。
- 一些管理老多馬娘個隊伍，除脫主負責人馴馬師，也會得有輔助幫忙個副馴馬師[13]。
- 經典賽
- 只有出道第二年（經典年）個馬娘才可以參加個5項比賽：皋月賞、日本德比、菊花賞、櫻花賞搭仔橡樹比賽。
- 箇些是老底子就有個傳統比賽，弗少個馬娘拿箇些比賽作伊拉目標。
- 勒拉箇年裡向，有為仔「三冠賽馬娘」目標個三冠路線（皋月賞、日本德比、菊花賞）；
- 還有另外加了個非經典比賽GI秋華賞個三后冠路線（櫻花賞、橡樹大賽、秋華賞）[14]。
- 三冠賽馬娘
- 勒拉一生只好參加一趟個經典賽里向，贏仔皋月賞、日本德比搭仔菊花賞3個比賽個馬娘。
- 想變成三冠賽馬娘，不只看跑步能力，還要看距離適應性、身體好搭仔運道等等老多個因素才可能成功。
- 勒拉閃光系列賽個歷史當中，嘸沒幾個馬娘撈著箇只名稱。
- 還有，贏仔經典賽限定個櫻花賞、橡樹大賽搭仔秋華賞個馬娘，會得撈著跟「三冠賽馬娘」一樣檔次個「三后冠馬娘」個頭銜[15]。
- 跑法適應性（腳質）
- 馬娘勒拉比賽個辰光擅長個跑法。
- 馬娘有自家個特性，只有搭仔伊拉個特性相配合，纔可一發揮出最高個戰鬥力。
- 跑法好分成一路逃（逃げ，領放）、跟拉前頭（先行，前列）、跟拉當中（差し，居中）搭仔跟拉阿末（追込，後追）。
- 一路逃（逃げ，領放）：一直勒拉頭幾個，從開始逃到比賽結束
- 跟拉前頭（先行，前列）：儘可能跟拉前頭，看牢一路逃個馬娘。
- 跟拉當中（差し，居中）：跟拉當中，到終點前纔加速追。
- 跟拉阿末（追込，後追）：一直憕拉後頭，到阿末一個直路纔加速追[16]。
登場腳色
馬娘
除脫極少部分馬娘，別個多數馬娘個名字、生日儕源自現實當中日本有名個跑馬。
漫畫
- STARTING GATE！ -賽馬娘Pretty Derby- （STARTING GATE！ -ウマ娘プリティーダービー-）
- 賽馬娘Pretty Derby -春麗會加油個！ - （ウマ娘 プリティーダービー-ハルウララがんばる！-）
- 2016年5月8號到2016年9月11號，勒拉Cygames個官方網站『Cycomics（サイコミ）』上向更新。攏總有10話。
- 畫箇部漫畫個是皇宇。
- 春麗作主角個喜劇作品。里向加入些現實當中個退役賽馬春麗個經歷。高知線賽馬組織等單位勒拉作品個創作里向幫過忙。
- 箇部作品個世界觀跟現在遊戲裡向個有些弗大一樣。
- 賽馬娘四格（うまよん）
- 2018年3月30號開始，勒拉Cygames個官方網站『Cycomics（サイコミ）』上向更新。
- 畫箇部漫畫個是熊ジェット。
- 畫個是動畫版里向登場過歌馬娘伊拉勒拉學堂里個日常四格漫畫。
- 賽馬娘蘆毛灰姑娘（ウマ娘 シンデレラグレイ）
- 從《周刊YOUNG JUMP》2020年28號刊開始連載。畫箇部漫畫個是久住太陽。
- 迭部漫畫個主腳是小栗帽。
- 賽馬娘 Pretty Derby 短篇漫畫精選集 STAR（ウマ娘 プリティーダービー アンソロジーコミック STAR）
2021年5月19號開始發售個單行本漫畫。內容是日常。「限定版」送海報。
- 賽馬娘 馬娘飯（ウマ娘 プリティーダービー うまむすめし）
2023年3月1號開始勒拉「Cycomics（サイコミ）」浪連載[19]。作畫擔當是淺草九十九。
- 賽馬娘 櫻花綻放（ウマ娘 プリティーダービー スターブロッサム）
2023年4月10號開始拉《周刊YOUNG JUMP》、《少年Jump+》等平台同步連載[21][22][23]。畫箇部漫畫個是保谷伸[22]。
迭部漫畫個主腳是櫻花桂冠[24]。
- 賽馬娘 PisuPisu☆SupiSupi 小金船（ウマ娘 ピスピス☆スピスピ ゴルシちゃん）
2023年11月末開始在龍漫CORO-CORO更新的漫畫[25]。柴田直樹擔任作畫擔當[25]。
Remove ads
CD
Remove ads
動畫
電視動畫
由Cygames 、東寶動畫搭仔Lantis三家一淘企劃製作個電視動畫 。
第1季勒拉2018年4月1號起首播 [27]。P.A.WORKS做個動畫 [27] 。
第2季勒拉2021年1月4號起首播[28]，做動畫個變成功STUDIO KAI[29]。
第3季勒拉2023年10月4號播出[30]，做動畫個還是STUDIO KAI。
故事簡介
箇是擁有從異世界繼承個光輝名號搭仔競速能力個「賽馬娘」自古以來就同人類共存個世界個故事。
- 第1季
- 馬娘特別周從鄉下頭轉到大城市裡向個特雷森學堂讀書，伊搭同學淘里相互切磋、賭上「日本第一馬娘」個稱號，目標是拉「閃光系列賽」中取得勝利。
- 第2季
- 憧憬魯道夫象徵、想變成無敗三冠賽馬娘個東海帝王，搭賭上自家名門個榮耀、向天皇賞連霸發起挑戰個目白麥昆兩家頭之間隔故事。伊拉兩家頭是競爭對手，也是朋友，為仔自家個夢想，勒拉「閃光系列賽」當中弗斷向前跑。
- 第3季
- 追逐伊嚮往個人個背影弗斷奔跑個北部玄駒，搭背拉全家族期待向GI稱霸發起挑戰個里見光鑽，形影弗離個兩家頭懷拉新個夢想，向拉阿末個大舞台跑去。
製作人（動畫片）
- 原作：Cygames[31]
- 導演：及川啟[31]
- 副導演：太田知章（第1季）[31]
- 助理導演：成田巧（第2季）
- 劇本統籌：
石原章弘[31]、杉浦理史（第1季）[31]→Cygames（第2季） - 人物設計：椛島洋介[31]、辻智子（第2季追加）
- 總作畫監督：椛島洋介[31]、藤本悟（第2季追加）
- 美術監督：伊藤弘（第1季）[31]→岡本穗高（第2季）
- 美術：草薙[31]
- 攝影監督：並木智[31]
- 色彩設計：中野尚美[31]
- 3D監督：市川元成（第1季）[31]→吉良柾成（第2季）
- 剪輯：高橋步[31]
- 音樂：UTAMARO movement[31]
- 音樂企劃製作：岩代太郎[31]
- 音樂製作：Lantis[31]
- 音響監督：森田祐一[31]
- 音響製作：HALF H·P STUDIO[31]
- 動畫製作：P.A.WORKS（第1季）[31]→STUDIO KAI（第2季）
- 製作幫助：P.A.WORKS（第2季）
電視動畫《賽馬娘 蘆毛灰姑娘》
電視動畫《賽馬娘 蘆毛灰姑娘》（ウマ娘 シンデレラグレイ）2024年8月23號宣布動畫化，2025年4月份播出。[32]
短篇動畫《賽馬娘四格》
短篇動畫《賽馬娘四格》（Umayon）（うまよん）勒拉2020年7月7號到9月22號首播[33]。伊個劇情同動畫版有些弗同。每集個預告儕勒拉官方YouTube頻道「ぱかチューブっ!」浪發布。
動畫BD里向還有另外12集個內容，儕是從漫畫裡向挑出來個一部分內容[34]。
短篇動畫《悠哉賽馬娘》
短篇動畫《悠哉賽馬娘》（うまゆる）從2022年10月16號到2023年3月26號勒拉官方YouTube頻道「ぱかチューブっ!」浪首播[35]，攏總24集。
2025年4月30號，伊個衍生作《悠哉賽馬娘 Pretty Gray》（うまゆる ぷりてぃ～ぐれい）勒垃官方YouTube頻道「ぱかチューブっ!」浪首播，共4集。[36]
網絡動畫《Road to the Top》
網絡動畫《賽馬娘 Pretty Derby Road to the Top》（ウマ娘 プリティーダービー Road to the Top）從2023年4月16號開始勒拉官方YouTube頻道「ぱかチューブっ!」浪首播[37]，每個禮拜一集，攏總4集[38]。
2024年賽馬娘個電影放之前個5月10號，伊加浪些動畫裡向刪脫個場景，擺拉一道當隻電影勒拉電影院放兩個禮拜[39]。
伊介紹個是成田路、愛慕織姬、好歌劇三個馬娘勒拉經典三冠「皋月賞」、「日本德比」、「菊花賞」浪相互競爭同鼓勵個故事。
動畫電影《新時代個門》
動畫電影《賽馬娘 Pretty Derby 新時代個門》（ウマ娘 プリティーダービー 新時代の扉）2024年5月24號勒拉日本公映[40][41]。
Remove ads
派生遊戲
- 《賽馬娘 Pretty Derby 熱血喧鬧大感謝祭！》（日本閒話：ウマ娘 プリティーダービー 熱血ハチャメチャ大感謝祭！）[42]
爭議事件
同人創作相關事體
遊戲剛剛創立個辰光，伊就表示過箇個遊戲裡向個腳色儕是真實個賽馬個名字，故咾對同人創作有相關個要求，特謂是弗好冒犯甚至損害里向個腳色個形象[43]。
2022年9月份，Cygames要求Pixiv刪脫侵權個作品，媒體分析Cygames過去曾明文禁止過色情同人作品[44]，故咾箇趟申訴可能是針對pixivFANBOX里向個色情同人作品[45]。
因涉嫌專利侵權畀科樂美數碼娛樂起訴
2023年5月17號，CyberAgent發布通告講，伊個子公司Cygames因為《賽馬娘 Pretty Derby》涉嫌專利侵權畀科樂美數碼娛樂起訴。科樂美數碼娛樂要求Cygames關停箇個遊戲，賠償伊40億日元[46]。
後些來，Cygames搭仔遊戲官方分別發布通告[47][48]，講Cygames已經開始就相關問題同科樂美數碼娛樂方面「進行真誠討論」，但還嘸沒收到對方個接受；《賽馬娘 Pretty Derby》並嘸沒侵犯科樂美數碼娛樂個專利，會得繼續正常運營。
簡體中文版相關爭議
本遊戲個簡體中文版由上海幻電代理，2023年3月20號通過國家新聞出版署審批，2023年8月3號開放預約[49]。
修改用詞搭比賽翻譯個爭議
用詞方面，簡體中文版拿「馬娘」、「賽馬娘」等詞儕調成「優俊少女」[50][51]。
比賽翻譯方面，簡體中文版對部分字面上同日本皇室搭日本軍國主義有關個比賽名進行修改。比方講天皇賞被翻譯成「天王獎」，高松宮紀念被翻譯成「中京短途賽」，安田紀念被翻譯成「東京英里賽」，有馬紀念被翻譯成「中山大獎賽」。
使用網絡梗進行營銷個爭議
本遊戲簡體中文版發行前，同本作角色東海帝王相關個網絡梗「哈基米」勒拉中國內地網際網路傳播[52]，伊個推廣搭濫用[53]引起玩家個反感。
但是，bilibili官方依然用箇個詞進行營銷活動[54]。App Store也用「解讀哈基米」為主要內容寫仔篇《閃耀！優俊少女》預約頁面個介紹文章[55]，畀玩家批評。
遊戲暫停下載
2023年9月7號下半天6點，《閃耀！優俊少女》遊戲官方發布公告，講因為「技術升級」，要暫時關脫遊戲客戶端個下載入口。公告並嘸沒說明恢復個具體辰光，只講「將抓緊時間完成技術升級並儘快恢復上架」，有人猜測可能是因為遊戲送審個版本同上線個版本有差異[56]。
2024年3月2號，遊戲官方發布公告，講啥因為「技術升級尚未完成」，會得暫停提供新遊戲個內容（本來定拉3月4號要開放個新養成劇本咾啥），開啟復刻活動[57]。
參考資料
外部連結
Wikiwand - on
Seamless Wikipedia browsing. On steroids.
Remove ads