宋高宗

宋高宗（1107年—1187年），名字叫趙構，南宋個開國皇帝，宋徽宗個第九個兒子，宋欽宗個阿弟。原先封為「康王」。伊身板兒交關藍衫，年輕個辰光好畀大弓拉得大開。高宗從當政年數、壽命等因素來講，來搭中國歷史高頭儕算長個。

宋高宗

歷史

靖康元年十一月份，高宗收著本臘書，高頭說讓伊熬稍去救汴京，但是金兵南下打落來以後，宗澤同伊講，現在國家者個套亂，好過你留來格達。噶嚜伊帶了宋朝軍民南渡，

建炎元年，高宗總算到了當時個杭州，該杭州原先是吳越國個國都，後手來畀宋朝滅了的，高宗就來搭格達當皇帝，再麼把杭州個名字改成臨安,但是要弄零清個是：當時個臨安勿是京師，那個辰光不過是「行在」而已。真當個首都還是來搭汴京。建炎三年個辰光，高宗手底下兩個將軍造反，畀伊廢了，原因麼是前頭高宗專門相信太監，而且巴結太監個人升官亦盡該容易，所以該兩人熬不牢的。再麼畀高宗唯一個親生伢兒趙旉擁立起來當皇帝佬兒。乃末一來大家都曉得該事體不對的，連忙從各地回杭州勤王，總算畀該場事體平定了的，者個就是苗劉之亂。

高宗皇帝當了交關年份，後手來還當了幾年太上皇，伊自家沒兒子，畀當時親戚秀王趙偁窩裡向個二兒子收過來當養兒子，從此以後，趙家門個天下，又還畀太祖他們窩裡向的。接落來，伊同兒子關係盡該好。

高宗自家認為伊來搭學宋仁宗個從政風格，但是木老老人覺得高宗比較縮手縮腳，沒用場，該兩種意見還要分開來講的。紹興二十六年，高宗自家講：同金國講和個政策，是朕決斷底，秦檜只得巴結一記而已。咋個好因為秦檜死了的，者個和議就作廢了的啊？最近一段辰光，有些兒無知個老倌，造化亂說，迷惑老百姓，過分個還有假個詔書寫出來，畀老底子冤枉個人昭雪的。同公家抬槓，吾駭亦駭死的！

特長

宋高宗交關歡喜寫字兒，伊自家還講：吾個人多少年份落來，不是性命交關個辰光，手裡向支筆是含板不會得停落來的。高宗個畫畫兒個功夫還毛色招，伊爹徽宗皇帝就是蠻有名個畫家，伊小辰光耳濡目染，自然還是學會的。《真草嵇康養生論書卷》是伊流傳落來個作品。

在位年份

1127年—1162年

年號

建炎 1127年—1130年 紹興 1131年—1162年

維基共享資源里向尋得著搭該篇文章搭界個多媒體資源：

宋高宗