路易十四

路易十四（法文：Louis XIV，1638年9月5號－1715年9月1號），法國波旁王朝個國王，也是法國歷史浪在位頂久個國王，伊個爸爸是法國國王路易十三。立在伊登基開始階段，爆發貴族反對伊個投石黨暴亂。伊從1643年開始一直統治到1715年。伊當國王個辰光，法國個集權搭中央化達到空前水準，遠超其他歐洲國家。伊掌控一切個力道，也搭交關內亞帝王一個水平。為達到稱霸歐洲個目的，伊經常向周邊國家開戰並進行侵略殖民。阿爾薩斯就是立在伊當國王當中吞併個。同時，伊還歡喜指導藝術，偏好世俗化繁瑣趣味，是巴洛克搭古典主義個吹捧贊助人物。為彰顯自家個權勢並架空地方貴族，伊修造凡爾賽宮，並強迫貴族遷居到凡爾賽。一般路易十四畀人認為是絕對君權個代表人物。

跳芭蕾個路易十四

虛榮

路易十四有邪氣強個虛榮心，年輕辰光就自稱是太陽王，拿太陽個標示裝飾到伊用品搭建築個各個方面。1680年，又指示巴黎市議會，拿伊稱頌為大帝。所以，立在17世紀晏末階段，法國人儕用路易大帝稱呼伊。

芭蕾

路易十四邪氣歡喜跳舞，自家年輕辰光也經常立在宮廷里身著華麗服裝進行舞蹈。伊也是芭蕾舞個重要推動人物之一。

時尚

擊敗西班牙之後，法國奪取歐陸霸權，同時，也拿自家個流行推廣到歐陸各個國家，個當中，路易十四個品味起到深遠影響。比方講，戴假髮個傳統，就是伊開始發揚光大個。（因為伊中年以後是個禿頭，所以用假髮掩蓋）。