通货膨胀

通貨膨脹簡稱通脹，是指整體物價水平相對特定數額貨幣（購買力）持續上升個狀態。通貨膨脹搭貨幣貶值主要是講個對象有區別：整體通貨膨脹是指特定經濟體以內個貨幣價值個下降；貨幣貶值是指貨幣勒拉經濟體之間個相對價值個降低。前者影響隻貨幣勒使用國以內個價值，而後者影響隻貨幣勒拉國際市場上個價值。兩者個相關性是經濟學上向個爭議之一^[1]。

World map showing inflation (2019)

因為弗同物價影響到弗同人，通貨膨脹有多許弗同個衡量方式，頂常見個兩種衡量指數是衡量帳面消費者物價是消費者物價指數，搭仔衡量新出現個商品搭服務格通貨膨脹個GDP平減指數。

對通貨膨脹起因，主流經濟學家大概有得兩派看法：「貨幣主義者」相信貨幣是通脹率數值頂頂主要個影響，「凱因斯主義者」相信貨幣、利率搭產出間格相互作用再是頂主要格影響。凱因斯主義者傾向，除脫一般標準消費性商品物價通脹之外，要再另外加上仔生產性商品（資本）通脹。別個理論，譬如講奧地利經濟學派，認為通脹是中央銀行增加貨幣供給造成功個^[2]。