鄞州区

鄞州區（寧波閒話/ȵiɪŋ12 tɕiʉ53 tɕʰy53/，老謳「鄞縣」/ȵiɪŋ12 ɦy213/）是浙江省寧波市個一個區，位於寧波市中部，西隔奉化江搭海曙區相望，北隔甬江搭江北區、鎮海區接牢，南挨奉化區，東臨北侖區。鄞州區個面積有得1345.54平方千米，人口125.7萬。鄞州區是寧波市個中心城區之一，也是寧波市政府來的個烏埰。

歷史沿革

現在個鄞州實貨就是老鄞縣個東半邊。鄞州區個歷史交關悠久，從秦朝時開始，分布謳鄞縣、大縣、上縣、句章、鄮縣、望縣。一直到新中國成立，寧波市區還只從鄞縣介分出去，鄞縣成為寧波個附郭縣。來2002年4月19日，經國務院批准「撤縣設區」，設立寧波市鄞州區。2016年，鄞州區奉化江以西區域並進海曙區，以東地區搭老江東區合併成立新個鄞州區。

文化

鄞州有天童寺搭阿育王寺，里向有釋迦牟尼舍利。