金沙薩

金沙萨（法语：Kinshasa），老早叫利奥波德维尔或利奥波德城（法语：Léopoldville，荷兰语：Leopoldstad），是刚果民主共和国个首都搭顶大个城市，勒刚果河边浪。老底子是渔村，现在变仔人口超过900万个大城市，勒撒哈拉沙漠以南个非洲城市排名里向，俚搭南非个约翰内斯堡一直勒抢夺亚军个排行，冠军是拉各斯^[1]。但必过交关多个人口还有效率弗好个政府管理也产生仔严重个社会问题，金沙萨治安穷差，是非洲顶顶弗安全个城市之一。抢劫、强奸、绑架率每年侪高得弗得了^[2]。