钨

鎢（IUPAC名：tungsten），化學符號：W（德語：Wolfram ^[1][2]），是化學元素，原子序數是74，是非常硬、鋼灰色到白色个過渡金屬。元素名字Tungsten是來自瑞典古文个白鎢礦，tung sten，意旨重石。鎢是卑金屬，拉自然界大多與別樣元素以化合物个形態存在，而弗是單獨存在。鎢拉公元1781年被發現且命名，拉1783年第一次成功分離出鎢。黑鎢礦以搭白鎢礦是鎢个重要礦石。鎢元素个穩定性是邪氣出色个，拉所有元素中擁有最高个熔點3422 °C（6192 °F, 3695 K）以搭最高个沸點5930 °C （10706 °F, 6203 K）。密度為19.25 g·cm−3，托鈾搭金个密度相當，比鉛个密度還高1.7倍。多晶鎢本身堅硬易脆（拉標準條件下，未搭別樣物質結合時），難以進行加工使用。然而，對於純單晶鎢，則具有延展性，可使用鋼鋸切割。

鎢合金有交關多个應用，包含燈泡燈絲、X射線管、鎢極氣體保護電弧焊、超合金搭輻射防護屏蔽。鎢个高硬度搭高密度个特性，可用拉軍事用途上，如穿甲彈。鎢化合物也經常拉工業上作為催化劑使用。 鎢是第三過渡族中唯一一個存在拉一些少數細菌托古細菌中个金屬。是任何生物體內弗可或缺元素中最重个一個元素。然而，鎢會干擾鉬搭銅个代謝，對於一般常看到个生物體是具有一些毒性个。