闻堰街道

闻堰街道，是吴越萧山个一隻街道，本来是闻堰镇，本地人讴作闻家堰（萧山说话：Men Ko Ie），辖区总面积23.68平方公里，总人口2.5万。湘湖旅游度假区垃拉该街道。

闻堰街道 聞家堰（Men Ko Ie）
—  镇  —
省	浙江省
市	杭州市
區	蕭山區

历史

传说西江塘造好之后，有姓闻个人家搬到箇丄，介咾叫闻家堰。民國《蕭山縣志稿》裏向有聞堰村名記載。^[1]

北宋太平兴国三年（978年）镇境南部歸安养乡，北部歸长兴乡。元至元十六年（1279年）則长兴乡改成四都、安养乡改成五都。民国十九年（1930年）是闻堰镇。民国二十三年（1934年）推行保甲制，闻堰镇撤壞划進长安乡。民国三十六年（1947年）乡镇編併，闻堰镇恢復。1949年5月，建立人民政权，闻堰是镇。1954年闻堰畀省民政厅正式批准为建制镇。1956年乡镇编併，闻堰镇則长安乡、湘湖乡、黄山乡，山河乡一部分（祥大房則瑛珠桥），還有山后乡个前吴、后吴、杨家湾合併成长安乡，歸长河区。1957年长安乡改名闻堰乡。1958年是长河公社闻堰管理区。1961年是闻堰公社。1962年增设闻堰镇。1969年則原來个闻堰镇则原来山河公社个部分大队划到闻堰公社。1971年，原来个山河公社个部分大队划进长河公社。1984年5月是闻堰乡。1985年4月经省民政厅批准为闻堰镇。2007年7月湘湖农场区域併進闻堰镇。^[1]

2017年，撤销闻堰镇，设立闻堰街道办事处。^[2][3][4]

简介

闻堰街道地处萧山区西部，垃拉钱塘江、富春江、浦阳江个三江汇合处，南接义桥镇，北与杭州滨江区接壤。历史丄有“三江活码头”之称，曾经是浙江省首批对外开放个卫星镇。^[5]

萧山闻堰新远影城垃2014年2月开业。

辖区

闻堰街道辖有：

• 社区：三江社区、闻家堰社区、闻江社区、南岸社区、湘湖南苑社区、相墅社区、湘湖人家社区、湖风社区、郁金香社区；
• 行政村：老虎洞村、黄山村、闻兴村、长安村、山河村、三江口村。