雍和宫

雍和宮是一座在拉北京市東城區老城區東北角落個大型藏密佛教廟，弗單單是北京頂有名個佛廟之一，也是華北地區頂大個藏傳佛教廟之一，現在香火邪氣旺盛。

歷史

王府

雍和宮個地理位置，是17世紀挨末階段確定個。

康熙三十三年（1694年），清帝國個皇帝康熙帝在拉內城東北老早明朝內官監官房個地方，為自家第四個兒子胤禛修造府邸。迭個建築個辰光畀叫做【禛貝勒府】，胤禛後勢來畀封和碩雍親王，就改叫【雍王府】。

1711年，胤禛個兒子弘曆在拉王府東書院「如意室」出生，伊就是後勢來個乾隆帝。

1723年胤禛登記，成為雍正帝（1723年－1735年在位）。雍正搬到紫禁城之後，拿雍王府【潛邸】升成為宮殿，並且拿名字改成【雍和宮】。

雍正十三年（1735年），永和宮內停放雍正帝靈柩，為此，拿建築主要殿宇個瓦片從黑色升級成黃琉璃瓦。

喇嘛廟

在在雍正在位辰光，雍和宮個中路搭西路已成為藏傳佛教個佛廟。

乾隆帝登基之後，在拉乾隆九年（1744年）拿雍和宮中路搭東路正式改成功藏傳佛教寺廟，拿主要殿宇改成佛殿，並賜名「噶丹敬恰林」。

東路行宮還是皇室使用，弗過後勢來，因為失火焚毀。根據《清代雍和宮檔案史料》記載，乾隆十三年三月廿號，內務府拿明代建築遺留，景山萬福閣儕脫，搬運到雍和宮，成為現在個後殿。

當代

1961年，雍和宮畀收納成中國國務院批准個全國重點文物保護單位。弗過後勢來畀衝擊。

1983年，雍和宮成為全國重點寺廟。