青旸地

青旸地是苏州历史上一个地名，勒拉苏州古城南部中轴线，城南盘门外头，京杭大运河边，过去是有星坟登登，有只孙王坟。

光绪廿三年三月（1897年），根据《马关条约》，苏州藩台衙门、苏州海关道同日本驻上海总领事签定《苏州日本租界章程》，拿青旸地租畀日本，个面变成功苏州日租界^[1]，必过冷冷清清，呒没啥商业。1943年交还畀汪精卫政府。