顾炎武

顧炎武（1613年－1682年），原名絳，字忠清。明亡後，改名炎武，字寧人。此外，也用過蔣山傭個化名，後世畀尊稱叫做亭林先生。明朝直隸崑山縣（今江蘇蘇州崑山）人，17世紀東亞有名個儒家學者，清朝儒家學術重要個開拓人物，搭黃宗羲、王夫之一道，畀當成明末清初學問家個代表性人物，伊個【天下興亡、匹夫有責】後勢來成為近代著名個民族主義號召口號。

後世流傳個顧炎武像

生平

出身江南

1613年7月15號（明帝國萬曆末年），顧炎武在拉南直隸崑山千燈鎮出生，伊所在個顧氏家族，一直是江東望族。伊個大爺爺顧章志為南京兵部右侍郎。顧炎武還是徐乾學、徐秉義、徐元文三人個娘舅。

小辰光，顧炎武畀自家已經死脫個堂伯顧同吉過繼為養子，伊個養母是王逑個女兒，十六歲未婚守節，白天紡織，晚上看書至二更才休息，獨立撫養顧炎武成人，並且教育伊關於儒家傳統忠君守節個想法。

混跡士林

1626年（天啟6年），顧炎武考中秀才，與同窗歸莊興趣類似，2年之後，二人一道到南京參加應天鄉試，並且一道加入個辰光江南地區流行個文人社團——復社。之後，顧炎武又參加好幾趟科舉考試，弗過儕弗曾成功，之後，伊個興趣點轉移到雜學防霾呢，開始寫《天下郡國利病書》搭《肇域志》。崇禎十六年（1643年），伊靠捐鈔票，成為國子監監生。

國變家毀

顧炎武平穩個士大夫生活軌跡，因為清軍入關發生劇烈改變。1644年明帝國滅亡，顧炎武一開始隱居一段辰光觀望局勢，但第二年決定接受南明弘光朝廷召喚，到南京當官。弗過，走半路上，就接到消息，講清軍攻克南京，弘光帝畀捉牢。之後，顧炎武緊急跑到吳越地區，參加當地士大夫組織個反清活動。弗過，因為平常辰光弗曾有啥準備，伊拉個抵抗老快儕畀撲滅，顧炎武個老家崑山城，也因為抵抗清軍，畀屠城4萬人，伊個養母王氏也因此死脫，死之前，伊搭顧炎武講，要伊永遠弗要當清朝個官。迭個事體影響到顧炎武一生。

抗清夢碎

接收自家養母教導個顧炎武，在拉之後個將近10年當中，斷斷續續參加過蠻多江南地區組織個反清起義活動（包括同陳子龍一道動員吳勝兆反正），先後接受過南明魯監國、南明紹武帝等把伊個官職，為反清復明做事體。弗過，此類活動基本儕因為各種各樣個原因歸於失敗。弗但個能，伊還因為參加反清活動，畀自家下手個癟三僕人頂牢，向清廷告發伊「謀反」。為逃避追捕，顧炎武只好剃髮易服，並且在拿仇家殺脫之後，賣地賣房，從此離開崑山同江南，一輩子也弗曾回來。

遊走華北

失去根基搭活動依託個顧炎武，跑到北方，一路儕觀察、記錄各地個風土人情，一面開始大量寫書。先後到過山東、山西、河南、河北、陝西等地方。1659年，跑到山海關憑弔，年底，跑到陝西華陰縣定居。在拉迭個階段，伊徹底變成一個默認清廷統治，並且專心搞學問個文人。也因為個能，讓清廷對伊個態度，也從追捕變成功拉攏，多趟派人請伊出山，到北京當清帝國個官僚。弗過，顧炎武對此類做法從來弗曾答應。伊還是號稱要保留自家個名節。1682年，伊在拉山西活動辰光，因為上馬失足跌出毛病，不治死脫，享年七十歲。

學術影響

相比氣節或者反清活動，顧炎武更大個影響是在拉伊個學術方面。在拉18世紀，伊就畀當時個文人公認是清朝個「開國儒師」、「清學開山」始祖。伊論述個內容邪氣豐富，包括經學、史學、音韻、小學、金石考古、方志輿地以及詩文諸學。

伊對陸王心學態度嚴厲，進行總體性清算，號召搞學問，要以經世致用作為目標，弗要糾結心性問題，，開啟了樸實學風，此類做法，雖然在拉18世紀清帝國高壓個文字政策下頭蠻難實行，弗過為後勢來清代中後期實用學問個興起，打好蠻深刻個基礎。

20世紀有名文化人梁啓超在拉伊寫個《中國近三百年學術史》當中認為：

乾嘉諸儒所做的工作，舉其要者，約有十三個方面：一、經書的箋釋；二、史料之搜補鑑別；三、辨偽書；四、輯佚書；五、校勘；六、文字訓詁；七、音韻；八、算學；九、地理；十、金石；十一、方志之編纂；十二、類書之編纂；十三、叢書之校刻。上列諸項儘管分類並不十分嚴密，且亦不能包舉無遺，但大致可以看出乾嘉學術的規模和氣象。乾嘉諸儒的這些學問，論其端緒，除輯佚、類書等少數方面外，基本上都發自顧氏。有的學者認為，乾嘉學術的專精與顧氏學術的博通在精神上似乎相差很遠，其實，倘若換一個角度來看，乾嘉諸儒的專精之學正是顧氏的廣博之業進一步分化和深化的結果。故梁啓超說：「亭林的著述，若論專精完整，自然比不上後人。若論方面之多，氣象規模之大，則乾嘉諸老，恐無人能出其右。要而論之，清代許多學術，都由亭林發其端，而後人衍其緒。