国际音标
From Wikipedia, the free encyclopedia
Remove ads
国际音标（The International Phonetic Alphabet，简称IPA），是一套由国际语音学学会以拉丁字母为基础设计、用来标音个系统。[1]国际音标个用户有得语言学家、言语治疗学家、外语教师、歌手、辞书学家搭翻译学家咾啥。[2][3]
按照国际音标个设计，渠只好分辨出口语里下列音质个对立成分：音位、语调以及词语搭音节个分隔。[1]倘使要表示诸如咬牙、咬舌搭由唇颚裂所发出声音个音质，个有另外套广泛使用个国际音标扩充系统（由国际语音学学会设计）。[2]
直到2007年，国际音标共有107只独用字母，搭仔56只变音符号搭超音段成分。国际语音学学会有常时会得增删咾修正一眼符号。
Remove ads
历史背景
1886年，以法国语言学家保罗•帕西为首个一群英、法语言教师组成只学会（国际语音学学会个前身），旨在创造一套转写搭记录人类言话个音标系统。[4]渠拉起先参考了英语拼写改革使用个罗马字母，设计了一套顶早个音标表。但为仔让渠拉好来拉别样言话里使用，就勿容许相同符号来拉勿同个言话里有勿同音值。[5]譬方讲/ʃ/ 原本来拉英语中是以字母 <c> 来表示，而来拉法语中则是以字母 <x> 来表示。[4]到仔1888年，字母便修订成勿论其代表啥个言话，一律使用相同个符号，而个个也成了日后所有修订个基础。[4][6]
国际音标诞生以来，元音搭辅音个组成便一直维持着大致一样个形式，但是音标本身则作仔几次些许个修正。1989年个国际音标基尔约定再首先对早期个1932年版本作出大幅修订。另又拉1993年做仔趟小修订，增加半开央不圆唇元音[2]并删去清内爆音。[7]最近趟改版是来拉2005年6月，加仔只非洲言话里老常见个唇齿弹音。[8]除脱符号个增减之外，国际音标拉别样个符号、分类搭字体大多维持一致。[2]
国际音标扩充出现相对比较晏——于1990年诞生，并于1994年获国际临床语音学与语言学协会正式采用。[9]另外，音质符号（VoQS）亦于1995年开始规划，以提供发声老详细个符号标记系统。[10]
Remove ads
描述
国际音标个原则为“每一个可分辨个读音（或音段）用一个符号来表示”。[11]个个表示，国际音标勿会使用两个以上个字母来标示一只声音，除非渠好视为两只以上个声音连发。[III]假使呒没一种已知个言话担某两只推扳小来些个音素视为对立（即勿同音位），则国际音标通常也勿会得为个个两个音素分立勿同个音标（选择性[2]）[IV]，且亦勿会使用一个音标来表示复辅音，譬方英语里 <x>表示 [ks] 。此外，每个音标也勿会因所跟着个或接续个音标勿同而有勿同个发音，如英语（及别样大多数个欧洲言话）里个 <c> 。
国际音标个符号共有107个用来标示辅音搭元音个字母、31个用来附拉原音标里以修饰原音标发音方式个变音符号以及19个标示如音长、声调、重音与语调等个超音段成分。[II]
编制类型
国际音标中个一眼音标写法与拉丁字母个辅音字母如 [p], [b], [t], [d], [k], [g], [m], [n], [f], [v], [s], [h], [z], [l], [w] 等相同，渠拉均为许多欧洲言话所使用个字母，拉发音上与英语并无推扳别，可是与拉丁字母写法相同个元音符号[a], [e], [i], [o], [u]，渠拉个发音法却较为接近西班牙语或意大利语中个发音，如[i]个发音为英文 piece 中个 ie，而 [u] 为英文 food 中个 oo。
别样一眼音标虽然与拉丁字母相同，如[j], [r], [c], 搭 [y]，但是渠拉个发音却搭一般英语中个发音勿大一样，反倒是来自别样个言话，譬方讲 [j] 要发英语 yoke 个 y（等同德语或荷兰语个 j），而 [y] 个音却反倒是搭斯堪个那维亚语或古英语个 y 发音一样（等同于芬兰语个 y、德语个 y 或 ü、法语个 u、荷兰语个 uu，或北语个ü、粤语个jy）。其主要个标音原则是一只符号代表一个音，因此勿会有像英语中 sh 搭 th 个恁，两个辅音字母组合来代表一个音个情况发生。
来拉国际音标表里， 我伲看到个一眼搭拉丁字母相似，而只经过稍为修改个符号，渠拉个发音侪老相似，譬方讲卷舌音 ɳ 搭齿龈音个 n，渠拉个发音及符号写法侪推扳勿多，唯一个分别是前者右下角有向右个小勾，代表渠是一个卷舌音。
附加于字母个变音符号（附加符号）则为每个语音做额外个描述，如下标 ̥ 加拉辅音之下，如 n̥ ，讲明渠是一个清辅音。另外还有一眼特别个符号负责描述超音段个语音特征，譬方讲重音、语调搭声调，如元音后个 ː 代表此音为一个长元音。
国际语音学学会建议我伲来拉使用个点音标时顶好框拉一双方括号（"[" 搭 "]"）或一双斜线（"/"）之内。个个除脱便利读者把音标搭内文分辨开来以外，还牵涉到语音标示个严谨程度，也就是严式音标（narrow transcription，标示音素用）与宽式音标（broad transcription，标示音位用）个区别，前者以方括号（"[" 搭 "]"）标示，后者用斜线（"/"）标示。国际语音学学会之所以个恁建议，是因为严式音标拉标注时较勿会有模棱两可个情况，譬方讲英语 pretzel 来拉严式音标就是 [pʰɹ̥ʷɛʔt.sɫ̩]，但以宽式音标来标示，却可以是 /prɛtsl/ 或 /pretsəl/，两者标示出来个音位来拉英语里相同，均可视作正确。
国际语音学学会允许会员根据实际需要添加新个符号或者修改原有个符号。
Remove ads
符号表
辅音
| 喌音 | ʘ | ǀ | ǃ | ǂ | ǁ |
| 内爆音 | ɓ | ɗ | ʄ | ɠ | ʛ |
| 喷音 | pʼ | tʼ | kʼ | qʼ | sʼ |
| tɬʼ | tʃʼ |
| p̪f | b̪v | ts | dz | tʃ | dʒ | tɕ | dʑ | ʈʂ | ɖʐ |
| tɬ | dɮ | cç | ɟʝ |
| 擦音 | ɕ | ʑ | ɧ | |
| 近音 | ʍ | w | ɥ | ɫ |
| 塞音 | k͡p | ɡ͡b | ŋ͡m | |
元音
| 前 | 次前 | 央 | 次后 | 后 | ||
| 闭 | 
| |||||
| 次闭 | ||||||
| 半闭 | ||||||
| 中 | ||||||
| 半开 | ||||||
| 次开 | ||||||
| 开 | ||||||
变音符号（附加符号）
变音符号（附加符号）是加拉音标周围个小记认，以标示此音标发音须作个变化，或作更精确个描述。[12]下标个变音附号（平常置于音标或符号下方个记认）若要加拉降部个音标时，好置于字母上方。
当i加上变音附号后，上方个点作兴会搭附加符号产生混淆时，应使用勿含点个i，<ı>。有些IPA符号也可作为附加符号，以描述语音细节：tˢ (擦音除阻), bʱ (浊送气, ˀa (喉音起始), ᵊ (置入ə), oʊ (双元音化)。
声门个状态可以用变音符号作良好个描述。以下为龈爆音由开声门到闭声门个发音：
| [t] | 清声 | [d̥] | 清化 |
| [d̤] | 弛声,也称为 哞声 | [d] | （常态）浊声 |
| [d̬] | 僵声 | [d̰] | 嘎裂声 |
| [ʔ͡t] | 张声 |
汉藏语学界专用个国际音标
下头九只国际音标来拉汉藏语学界（包括中国外个汉学家）沿用，但未能畀新版个国际音标标准接受。Unicode里有得专属符号，但需要Unicode 4.0标准。
Remove ads
注解
- ^ “缩写‘IPA’严格来讲是指‘国际语音学协会’（International Phonetic Association）。不过，个个缩写现在也约定俗成个用于指称音标本身（International Phonetic Alphabet'），而勿顾吹毛求疵个反对。通常好根据上下文消除个个两种歧义。”[13]
- ^ 一拓括子有得七种基本声调标记，可组合表示各种曲拱声调——其中有8种组合较为常用。
- ^ 与此相反，英语有辰光使用两个字母组合表示单个音，比如用双字元音位sh搭th分别表示[ʃ]搭[θ]/[ð]个音。
- ^ 譬方讲，弹音搭闪音（或拍音）是两种勿同个发音方法，但鉴于尚未发现在何里种语言中同时对立，像齿龈弹音搭齿龈闪音，国际音标就勿畀个个两个音素设置专用符号，相反，仅搭两个音素设置一个符号（如前例个[ɾ]）。严格地讲，个个使得国际音标成为一种音位音标，而勿是音素音标。[14]
- ^ “国际音标里个非罗马字母尽量设计成能够与罗马字母相协调。协会勿认可临时拼凑来个字母，只认可还点经过细致个裁剪而与别样字母相协调个字母。”[15]
- ^ 从技术上讲，符号[ʔ]好看作派生拉丁字母，正如问号作兴源自“Qo”——拉丁语单词quæstio（问题）个缩写。
- ^ 譬方讲，[p]叫做“小写P”，而[χ]叫做“Chi”。[16]
Remove ads
参考文献
外部链接
Wikiwand - on
Seamless Wikipedia browsing. On steroids.
Remove ads