Python

Python是公開源碼程編語言，佢造起望去好望，讀起也省力。佢是一個名字Guido van Rossum個程序員來1991朞造起。箇語言出箇名字是來一個電視節目名字Monty Python's Flying Circus之後，無數例子搭教程包括笑玩都搭箇節目有相干。

Python 是一種解釋語言。解釋語言允許程編員畀代碼交畀電腦，電腦佢會自己正確別代碼。意思也便是講程編員想改程序，結果便一記勿望勒著爻。箇對Python新手來講猴好，程序寫起來猴快。 因爲爾勿用編譯代碼來別，編譯會浪費無數辰光。不過也是箇原因，計算機每次都要曉得代碼妝解某，怪得Python是猴慢個一種語言。有兩時，佢比C語言慢上200倍。

Python也是高檔程編語言。高檔語言有高等特色，讓程編員搭電腦講妝解某，甮管電腦搭低檔語言向怎兒做做。赫寫起程序來咦快咦省力。一許用Python寫代碼個語法從C語言搭學來，Python 也好別一許C個代碼。

句法

Python有猴好讀個句法。一許從C語言裡來，因為Python便是用C語言寫個。一個大地方弗樣：Python用縮進劃分代碼：用空格要勿制表符組織代碼。意思也便是搭C語言弗樣，每排個後髖都甮分號，也甮「{}」來分代碼。結果是Python變成猴好讀個語言。

用法

Python有講千上萬個程編員用，用得無數蕩地。有兩記便只Python個代碼有用場，不過大部分時間，Python用來做簡簡單單個事干，各許程編語言用來做還煩難個任務。

安裝Python到，會同時安裝Python個標準庫，佢包括無數個函數。網上有無數各許庫，使得Python做個事干還多。個許庫讓Python變成一個強大個語言。佢好做無數弗樣個事干。

Python道道用來做個許事干：

• 網頁開發
• 遊戲程序
• 桌面 GUIs
• 科學計算程編
• 網絡程編

例子

箇是Python3.4.3個一個小例子。佢會畀"Hello World!" 囥到屏幕上。

print("Hello World!")

# This code does the same thing, only it is longer:

ready = True
if ready == True:
    print("Hello World!")

Python 也做一個叫做「動態變量賦值」個物事。意思是來程序裏向一個數字要勿一個單詞，程編員勿用講是解某變量（類型）, 箇個好處便是箇變量好轉用，不管佢用來存解某，調來調去猴快。下向個例子便是同個意思。段代碼會用一個變量同時存放數字搭單詞。

x = 1
print x
x = "Word"
print(x)

徠靜態類型裏向，比方講C語言，程編員缺指定X是數字也是單詞。