From Wikipedia, the free encyclopedia
ალოის ალცჰაიმერი (გერმ. Alois Alzheimer; დ. 14 მანგი, 1864, მარკბრაიტი, ბავარიაშ ომაფე, გერმანიაშ კონფედერაცია — ღ. 19 ქირსეთუთა, 1915, ბრესლაუ, პრუსიაშ ომაფე, გერმანიაშ იმპერია) — გერმანალი ფსიქიატრი დო ნევროპათოლოგი, პირველი მენცარი, ნამუქჷთ გიმირკვიუ ალცჰაიმერიშ ლახარა.
ალოის ალცჰაიმერი | |
გერმ. Alois Alzheimer | |
დაბადებაშ თარიღი: | |
---|---|
დაბადებაშ აბანი: |
მარკბრაიტი, ბავარიაშ ომაფე, გერმანიაშ კონფედერაცია |
ღურაშ თარიღი: |
ქირსეთუთა 19, 1915 (51 წანერი) |
ღურაშ აბანი: | |
მენოღალობა: | |
ომენცარე სფერო: |
ნევროპათოლოგია |
სამუშაშ აბანი : |
მიუნხენიშ უნივერსიტეტი |
ალმა-მატერი: |
ტიუბინგენიშ უნივერსიტეტი |
ხეშმოჭარუა: |
ალოის ალცჰაიმერქ დებადჷ 1864 წანას, ბავარიაშ ნოღა მარკბრაიტის. გურაფულენდჷ მედიცინას ბერლინიშ, ტიუბინგენიშ დო ვიურცბურგიშ უნივერსიტეტეფს. 1887 წანას მიპალუ მედიცინაშ დოქტორიშ ხარისხი. გურაფაშ თებაშ უკულ მუშენდჷ ფრანკფურტიშ ფსიქიატრიულ ჰოსპიტალს. ჸათაქ თიქ გეჩინებაფუ გიშარჩქინელი ფსიქიატრეფი ფრანც ნისლი დო ემილ კრეპელინი, ნამუეფიწკჷმა ართო გიმირკვიუ ნერვული სისტემაშ პათოლოგიეფი.
1901 წანას, ფრანკფურტის მუშობაშ ბორჯის, ალცჰაიმერი კურნალენდჷ 51 წანერ ოსურს, აუგუსტ დეტეს, ნამუსჷთ შუენაშ პრობლემეფი უღუდჷ. პაციენტიშ ღურაშ უკულ, ალცჰაიმერქ თიში ტვინი ორკვიებელო მიუნხენიშ ლაბორატორიაშა მიდეღჷ. 1907 წანას ალცჰაიმერქ გჷმაბჟინუ მენცარული სტატია პათოლოგიეფიშ გეშა, ნამუეფსჷთ თიქ დეტეშ ტვინიშ რკვიებაშ ბორჯის მიოგორუ. ჸეთი ლახარას, ნამუსჷთ ალცჰაიმერი ეთმოჭარუნდჷ, 1910 წანას კრეპელინიქ გიოდჷ ალცჰაიმერიშ ლახარა.
ალოის ალცჰაიმერქ, 1908 წანას მუშობა ქიდიჭყჷ მიუნხენიშ უნივერსიტეტის, პროფესორო. 1912 წანაშ ომუშებუშა ბრესლაუშ უნივერსიტეტიშა გინილჷ, სოდეთ იმუშუ ნევროლოგიური დო ფსიქიატრიული ინსტიტუტიშ დირექტორო.
ალოის ალცჰაიმერქ ღურუ 1915 წანაშ 19 ქირსეთუთას, 51 წანერქ. დასაფულებური რე ფრანკფურტიშ სასაფლას.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.