იუნიკოდი
From Wikipedia, the free encyclopedia
უნიკოდი — სიმბოლოეფიშ სტანდარტი, ნამუთ საშუალებას ირზენს გეგმობხანტათ პრაქტიკულოარძა ნინაშ ჭარალუაშ შანეფი (სიმბოლოეფი, ასოეფი). უნიკოდი წჷმორინაფილი რე მუსხირენ ფორმათ: UTF-8, UTF-16 (UTF-16BE, UTF-16LE) დო UTF-32 (UTF-32BE, UTF-32LE). თაშნეშე აკომუშებული რე UTF-7, შკვით ბიტიანი არხით ინფორმაციაშ გინოჩამაშო, მარა თე ფორმა, ASCII-წკჷმა უხუჯალობაშ გეშა, ვა რე მიშაღალირი დო ვემiშმურს უნიკოდიშ სტანდარტშა.
Microsoft-იშ Windows NT-ს, თიშა გერსხილ შხვა სისტემეფს: Windows 2000, Windows XP - (უნიკოდი Microsoft ოპერაციულ სისტემეფს) თარო გჷმირინუაფუ UTF-16LE. UNIX-ის დო მოგვენ ოპერაციულ სისტემეფს - GNU/Linux, BSD დო MacOS X მეღებული რე: ფაილეეფo - UTF-8 ფორმა; UTF-32 ვარდა UTF-8 — ოპერატიული შვენაშ მუნაჩემეფიშ დამუშებაშო.
სტადარტი მიშაღალირი რე 1991 წანას - ვაკომერციული ორგანიზაციაშ ”უნიკოდიშ კონსორციუმი”-შით, ნამუთ აკმაართიანენს უშხუაშ IT (ინტერნეტ ტექნოლოგიეფიშ) კორპორაციეფს. თე სტანდარტიშ გჷმორინაფა საშუალებას ირზენს გუკეთათ კოდირაფა არძაშე მაღალი მუდანობაშ სიმბოლოეფს - შხვადოშხვა ჭარალუეფშე: უნიკოდ დოკუმენტეფს, კოდური ხასჷლაშ გჷმორინაფაშ უმუშ, ართიანიშ ელახ ელმანტირანა ჩინური იეროგლიფეფი, მათემატიკური სიმბოლოეფი, ბერძენული ანბანიშ ასოეფი დო კირილიცა.
უნიკოდიშ სტანდარტის კოდეფი დორთილი რე მუსხირენ ბუნათ. U+0000-შე U+007F-შახ ბუნა იკათუანს ASCII სიმბოლოეფს, ომანგე კოდეფით. გეჸვენჯი ბუნეფი იკათუანა შხვადოშხვა ჭარალუაშ შანეფს, პუნქტუაციაშ შანეფს დო ტექნიკური სიმბოლოეფს. კირილიცაშ სიმბოლოეფს უკებჷ U+0400-შე U+052F-შახ ბუნა.