ლიხტენშტაინიშ გეოგრაფია

ლიხტენშტაინი იდვალუაფჷ ევროპაშ ალპეფიშ ჟიმოლენი რაინიშ ლეხერს, ბჟაეიოლშე უხურგანს ავსტრია დო ბჟადალშე — შვეიცარია, ლიხტენშტაინიშ ტერიტორია ედომუშამო გოხურგელი რე თე ჟირ სახენწჷფოეფიშით. უზბეკეთწკჷმა ართო ლიხტენშტაინი მოსოფელიშ ჟირ ქიანაშე ართ-ართი რე, ნამუეფსჷთ ოკიანეშ კარშა გიშალი არძაშ უკულაშ ჟირ ქიანაშ ტერიტორიაშ უკულ იდვალუაფჷნ. ქიანაშ ედომუშამ ბჟადალ ხურგის აფორმირენს წყარმალუ რაინი (ვარ-და რეინი). ქიანაშ სიგჷნძა ოორუეშე ობჟათეშა რე დოხოლაფირო 24 კმ. უკიდაშ ობჟათეშე იდვალუაფჷ ლიხტენშტაინიშ უმაღალაში კონკი — გვალა გრაუშპიცი (2 599 მ). თიშ ალპური ორენიშ უმკუჯინალო, ობჟათეშ ბორიეფიშ უმოსობა ლიხტენშტაინიშ კლიმატის ელაზჷმაფილო ალექინენს. ზოთონჯის, გვალაშ კართეეფი ძალამ მოხუჯური რე შხვადოშხვა ზოთონჯიშ სპორტიშ გვარობაშო. ახალი ოზჷმალი სისტემაშ ჭყოლოფუათ 2006 წანას გირკვუ, ნამჷ-და ქიანაშ ფართობი რე 160 კმ², ხურგაშ სიგჷნძა — 77.9 კმ. თეშნერო, ლიხტენშტაინიშ სახენწჷფო ხურგიშ სიგჷნძაქ 1.9 კმ-თ უმოსიქ იჸუ, ვინდარო თეიშახ იკოროცხუდჷნ.

ლიხტენშტაინიშ გიოჯინუ კოსმოსიშე. ზურგეფი მოჩამილო რე ჸვინთელ ფერო

ლიხტენშტაინიშ სათაროშ რუკა

კლიმატი ზჷმიერი, ნოლექეფიშ მუდანობა 700—1 200 მმ წანმოწანას. ტერიტორიაშ დოხოლაფირო ნაანთხალი უკებჷ ტყალეფს (ნოჯი, წიფური, ჭყონი); გვალეფს — სუბალპური დო ალპური ველეფს.

რესირსეფი ინტერნწტის

• ლიხტენშტაინიშ სათაროშ ოფიციალური პორტალი(ინგლ.)(გერ.)(ფრანგ.)
• ლიხტენშტაინიშ გეოგრაფია ვებ-ხასჷლას Open Directory Project
• ИД Оникс 21 век, 2003 წ.