From Wikipedia, the free encyclopedia
მადეირა (პორტ. Madeira) – პორტუგალიური არქიპელაგი, იდვალუაფუ დო ოორუე ატლანტიშ ოკიანეს. თენა რე პორტუგალიაშ ავტონომიური რეგიონი, ნამუთ თარო იკენს მადეირაშ, პორტუ-სანტუშ დო დეზერტაშიშ კოკეფს. მადეირა რე ევრორსხუშ მაკათური მუჭოთ პორტუგალიაშ გჷშაკერძაფილი ტერიტორია.[2]
გერბი | შილა |
ქიანა | პორტუგალია |
ჰიმნი: | A Portuguesa Hino da Madeira |
სტატუსი | ავტონომიური რეგიონი |
მიშმურს | 11 მუნიციპალიტეტი |
ადმინ. ცენტრი | ფუნშალი |
შხუ ნოღა | ფუნშალი |
დორსხუაფაშ თარიღი | 1420 |
მადუდე | პრეზიდენტი |
ედპ (2007) ედპ ართ შურ მახორუშე | € 5,905 მილიარდი[1] € 24,000 |
ოფიც. ნინა | პორტუგალიური |
მახორობა (2011) | 267 785 (11-ა აბანი) |
მეჭედალა | 341,13 კოჩი/კმ² |
ფართობი | 785 კმ² (20-ა აბანი) |
სიმაღალა ზუღაშ დონეშე - უმაღალაშ ჭურჭული - არძოშე დაბალი ჭურჭული | 1862 მ 0 მ |
ბორჯიშ ორტყაფუ | UTC+0 |
კოდი ISO 3166-2 | PT-30 |
ოტელეფონე კოდი | 351 291 |
ოფიციალური ვებ-ხასჷლა | |
მადეირა |
მადეირას 1418 - 1420 წანეფიშ ოშქაშეს პორტუგალიარ მაზუღალეეფქ მიოგორეს. არქიპელაგშა გეგორაფაშ ინიციატორო იკოროცხუ ჰენრიხ მოროპლავატი. მოგვიანაფათ, თე კოკეფი ბრიტანეთიშ იმპერიაშ ოკუპაციაშ თუდო რდჷ, ნაპოლეონიშ ლჷმეფიშ ბორჯის თე ტერიტორიაქ 1814 წანას პორტუგალიას დაართჷ.[3] მადეირა რე ართ-ართი უჯგუში კურორტი, კოკი ჯოხოგოლაფირიე მუში ღვინით დო პეულეფით. ირ ახალ წანას თაქ რე მოსოფელს ართ-ართი უჯგუში ფოიერვერკიშ შოუ, წორას თაქ რდჷ მოსოფელს უდიდაში ფოიერვერკიშ შოუ.[4] თე აკანს დიდი შანულამობა უღჷ, თიშენ ნამდა თაჸურეშე მითმიარსხუაფუნა კარიბიშ ღანჩოშ ქიანეფს დო ევროპას.
მადეირას რე ართ-ართი უჯვეშაში კურორტი, XIX ოშწანურას ევროპას არსებენდჷ ხვლო ჟირი ზუღაშ კურორტი - ფრანგული რივიერა დო მადეირა. 1976 წანას მადეირაქ ავტონომიურ ოლქო გჷნირთჷ.
ფუნშალი, მადეირაშ ავტონომიური რეგიონიშ ნანანოღა, იდვალუაფუ კოკი მადეირაშ ობჟათეშე, არქიპელაგიშ თარი კოკის. კოკიშ შხვა ნოღეფიე: ვილა-ბალეირა (კოკი პორტუ-სანტუს), კამარა-დე-ლობუში, მაშიკუ, სანტა-კრუში, სანტანა დო კანისუ (კოკი მადეირას).
მადეირაშ კოკი იდვალუაფუ აფრიკაშ წყარპიჯიშე 520 კმ-ს დო ევროპაშ წყარპიჯიშე - 1000 კმ-ს, ვარდა ლისაბონშე საათი დო გვერდიშ ოფურინუე[5].
კოკი მადეირა — არქიპელაგიშ უდიდაში კოკიე, ფართობი - 741 კმ², სიგჷრძა აკმადგინანს - 57 კმ, ფართობი — 22 კმ არზაშე ფართო აკანს, კოკიშ წყარპიჯიშ ღოზიშ ედომუშამი სიგჷრძა რე 150 კმ. კოკი გინოზინდილიე ბჟაეიოლშე ბჟადალშე, თეგეზიშ მანგას იდვალუაფუ ცენტრალური გვალაშ ჯაჭვი 1220 მეტრშახ სიმაღალათ, სოიშეთ იჭყაფუ ბრელი რღამილი გინოწონუეფი, ნამუთ წყარპიჯიშახ იფაჩუნჷ. კოკიშ უმაღალაში კონკა რე — პიკუ-რუივუ, 1862 მეტრი ზუღაშ დონეშე[6].
მადეირაშ ავტონომიური რეგიონი აკმოდირთუ 11 მუნიციპალიტეტშე:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.