მეგნად საჰა
From Wikipedia, the free encyclopedia
მეგნად საჰა (ბენგალ. মেঘনাদ সাহা, დ. 6 გჷმათუთა, 1893, დაკა, ბრიტანეთიშ ინდოეთი (ასეიან ბანგლადეში) — ღ. 16 ფურთუთა, 1956, ნიუ-დელი, ინდოეთი) — ინდოარი ფიზიკოსი დო ასტროფიზიკოსი, შინელი რე იონიზაციაშ განტოლებათ, ნამუთ თიშ ჯოხონობაშ რე. საჰაშ იონიზაციაშ განტოლება ეთმოჭარუნს ქიმიურ დო ფიზიკურ კონდიციეფს მურიცხეფიშ დინახალე. მეგნად საჰა გურაფულენდჷ დაკაშ კოლეჯის, კოლკატაშ ოპრეზიდენტე კოლეჯის, რაჯაბაზარიშ მენცარობაშ კოლეჯის დო ალაჰაბადიშ უნივერსიტეტის. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს. 1923-1938 წანეფს საჰა რდჷ ალაჰაბადიშ უნივერსიტეტიშ პროფესორი. 1956 წანაშა მეგნად საჰა მუშენდჷ კოლკატაშ უნივერსიტეტიშ მენცარობაშ ფაკულტეტიშ დეკანო. მეგნად საჰა რდჷ ლონდონიშ ომაფე ჯარალუაშ, ინდოეთიშ ფიზიკაშ ჯარალუაშ, ინდოეთიშ მენცარობაშ ინსტიტუტიშ მაკათური. 1953-1956 წანეფს საჰა რდჷ ინდოეთიშ მენცარობაშ ასოციაციაშ დირექტორი. საჰაშ ჯოხონობაშ რე 1943 წანას, კოლკატას დორსხუაფილი ბირთვური ფიზიკაშ ინსტიტუტი. 1952 წანაშე ღურაშახ მეგნად საჰა რდჷ ინდოეთიშ პარლამენტიშ მაკათური.
მეგნად საჰა | |
ბენგალ. মেঘনাদ সাহা | |
დაბადებაშ თარიღი: | |
---|---|
დაბადებაშ აბანი: |
დაკა, ბრიტანეთიშ ინდოეთი (ასეიან ბანგლადეში) |
ღურაშ თარიღი: |
ფურთუთა 16, 1956 (62 წანერი) |
ღურაშ აბანი: | |
მენოღალობა: | |
ომენცარე სფერო: | |
სამუშაშ აბანი : |
ალაჰაბადიშ უნივერსიტეტი |
ალმა-მატერი: |
კოლკატაშ უნივერსიტეტი |
ომენცარე ხემანჯღვერი: |
ჯაგდიშ ჩანდრა ბოსი |
ჯოხოშინელი მოგურაფეეფი: |
სამარენდრა კუმარ მიტრა |
ჯილდოეფი დო პრემიეფი: |
ომაფე ჯარალუაშ მაკათური |
ხეშმოჭარუა: |