![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c4/Lac_de_Neuchatel.jpg/640px-Lac_de_Neuchatel.jpg&w=640&q=50)
ნევშატელიშ ტობა
From Wikipedia, the free encyclopedia
ნევშატელიშ ტობა (ფრანგ. Lac de Neuchâtel; გერმ. Neuenburgersee) — ტობა ბჟადალ შვეიცარიას. ტობაშ დიდი ნორთი დინორე ნევშატელიშ კანტონიშ ტერიტორიას, დოსქილადირი მორჩილი ნოკვათი – ვოშ, ფრიბურიშ დო ბერნიშ კანტონეფიშ ტერიტორიას. ნევშატელიშ ტობა იდვალუაფუ იურიშ გვალეფიშ ობჟათე-ბჟაეიოლ ლაკადას, ზუღაშ დონეშე 429 მ სიმაღალას. სიგჷრძა დოხოლაფირო 40 კმ, სიგანა — 8 კმ-შახ. ფართობი — 218,3 კმ². უდიდაში სიტომბა — 152 მ. ფშალათ მერსხუაფილი რე ბილიშ ტობაწკჷმა, ნამუშით წყარმალუ აარეთ მითმიარსხჷ წყარმალუ რაინს. ედომუშამო დინორე შვეიცარიაშ ტერიტორიას, ნამუშ გეშა მერჩქინელი რე მოჩამილი ქიანაშ უდიდაშ ტობათ.
ნევშატელიშ ტობა | |
---|---|
ფრანგ. Lac de Neuchâtel; გერმ. Neuenburgersee | |
![]() ნევშატელიშ ტობა | |
კოორდინატეფი:
46.9,6.8546°54′00″ ოორ. გ. 6°51′00″ ელ. გ. | |
ორენი | ![]() |
სიმაღალა ზუღაშ დონეშე | 429 მ |
სიგჷრძა | 38.3 კმ |
სიგანა | 8.2 კმ |
ფართობი | 218.3 კმ² |
მაქსიმალური სიტომბა | 152 მ |
ოშქაშე სიტომბა | 64.2 მ |
ღანჩოშ ფართობი | 2670 კმ² |
ინმალი წყარმალუეფი | ორბი, ტიელი, ბრუა |
ტობას მუსხირენი ნადუ აკათჷ, თინეფს შქას შანულამი რე: ორბი, არნონი დო შხვა. ბჟადალი წყარპიჯეფი გვალათონა დო ახრა რე, ბჟაეიოლი — გიოლაფუ. კონწარ ზოთონჯის იჸინჷ. ტობაშ ოორუე წყარპიჯის აკოგაფილი რე ნოღა ნევშატელი, ობჟათე წყარპიჯიშ გოხოლუას — ნოღა ივერდონი.