![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/SungaMasculine.jpg/640px-SungaMasculine.jpg&w=640&q=50)
პუშიამიტრა შუნგა
From Wikipedia, the free encyclopedia
პუშიამიტრა შუნგა — შუნგაშ დინასტიაშ დჷმარსხუაფალი. ოორუე ინდოეთიშ მამართალი ჯვ. წ. 185-151 წანეფს.
![Thumb image](http://upload.wikimedia.org/wikipedia/commons/thumb/3/39/SungaMasculine.jpg/640px-SungaMasculine.jpg)
დუდმაართათ პუშიამიტრა შუნგა რდჷ მაურიეფიშ იმპერიაშ „სენაპატი“ (თარსარდალი). ჯვ. წ. 185 წანას ოურდუმე აღლუმიშ ბორჯის თიქ დოჸვილჷ მაურიეფიშ ეკონია იმპერატორი ბრიჰადრათჰა დო დუდი იმპერატორო გეგმაცხადჷ. მუშ მართუალაშ ბორჯის თიქ ქჷდიჸუნუ ოორუე ინდოეთიშ დიდი ნორთი დო გათუ აშვამედჰა. შუნგაშ მუკნაჭარეფი მუთმოფხვადჷნა პენჯაბის ჯალანდჰარიშახ. დივიავადანა რაგადანს, ნამჷ-და თიში ოღვენჯეეფი იფაჩუდჷ საგალშახ (სიალკოტა).