From Wikipedia, the free encyclopedia
საბერძემო (ბერძენ. Ελλάδα [eˈlaða] ), ოფიციალურო — საბერძემოშ რესპუბლიკა (ბერძენ. Ελληνική Δημοκρατία [eliniˈki ðimokraˈtia]) — სახენწჷფო ობჟათე ევროპას მორჩილ აზიაწკჷმა ხურგის[2][3]. ნანანოღა — ათენი. ოფიციალური ნინა — ბერძენული. საბერძემოს ჯვეში ფარაშ ართული რდჷ დრაჰმა, მარა ასე ქიანა ევრორსხუშ ართ-ართ მაკათური რე დო თეშენი ვალუტა საბერძემოს რე ევრო, მუჭოთ შხვა ევრორსხუშ ქიანეფს.
საბერძნეთიშ რესპუბლიკა | ||||||
---|---|---|---|---|---|---|
დევიზი: „Ελευθερία ή Θάνατος“ „დუდიშულა ვარდა ღურა“ |
||||||
ჰიმნი: Ὕμνος εἰς τὴν Ἐλευθερίαν „დუდიშულაშ ჰიმნი“ |
||||||
ნანანოღა (დო უკაბეტაში ნოღა) | ათენი
| |||||
ოფიციალური ნინა(ეფი) | ბერძენული | |||||
თარობა | უნიტარული საპარლამენტე კონსტიტუციური რესპუბლიკა |
|||||
- | პრეზიდენტი | კატერინა საკელაროპულუ | ||||
- | პრემიერ-მინისტრი | ქსენიდის იანისი | ||||
- | პარლამენტიშ დუდმახვენჯი | კონსტანტინოს ტასულასი | ||||
ფართობი | ||||||
- | გვალო | 131,957 კმ2 (97-ა) | ||||
- | წყარი (%) | 0.8669 | ||||
მახორობა | ||||||
- | 2021 ფასებათ | 10 482 487[1] (81-ა) | ||||
- | census | 10,816,286 | ||||
- | მეჭედალა | 82 ად/კმ2 (127-ა) | ||||
ედპ (ჸუპ) | 2020 ფასებათ | |||||
- | გვალო | $337.900 მილიარდი (57-ა) | ||||
- | ართ მახორუშე | $31,616 (49-ა) | ||||
აგი (2018) | 32.3 (62-ა) | |||||
ვალუტა | ევრო (€) [ბ] (EUR ) |
|||||
ბორჯიშ ორტყაფუ | UTC+02:00 | |||||
- | ზარხულიშ (DST) | +2 (UTC) | ||||
Internet TLD | .gr | |||||
ოტელეფონე კოდი | +30 |
საბერძემო იდვალუაფუ ბალკანეთიშ ჩქონს დო ანდამუდანობაშ კოკის. ოსქირონე ხურგი უღჷ ოორუე-ბჟადალშე ალბანეთწკჷმა, ოორუეშე — ოორუე მაკედონია დო ბულგარეთწკჷმა, ოორუე-ბჟაეიოლშე — თურქეთწკჷმა. ბჟაეიოლშე ომძღჷ ეგეოსიშ (თინეფს შქას იკარიაშ დო თრაკიაშ ზუღეფი), ბჟადალშე — იონიაშ ზუღა, ობჟათეშე — სქირონაშქა დო კრეტაშ ზუღეფი.
უნიტარული, საპარლამენტო რესპუბლიკა. ადმინისტრაციულო დორთილი რე 13 პერიფერიათ.
თეხანური საბერძემო — ჯვეში საბერძნეთიშ კულტურაშ მონძე რე, იკოროცხუ ბჟადალიშ ცივილიზაციაშ ონწეთ, დემოკრატიაშ, ფიზიკურ-მათემატიკურ მენცარობეფიშ თარი პრინციპეფიშ, თეატრიშ[4] დო თეხანური ოლიმპიური ლაჸაფეფიშ ომასქერეთ[5]. დინდარი კულტურული მონძალა დო გეოგრაფიული ორენი საბერძემო მოსოფელიშ ართ-ართი არძაშე უმოსო სუმარელი ქიანა რე[6].
ქიანაშ ზოხორინლაქ გჷმიცხადუ 1821 წანაშ 25 მელახის. თეიშახ მიშმეშჷ ოსმალეთიშ იმპერიაშ აკოდგინალუაშა.
ორხველჷ გოვითარაფილი სახენწჷფოეფს. ქიანა რე ევროპაშ რსხუშ, ნატოშ, გოეროშ, ევროპაშ სხუნუშ, ეუწო-შ მაკათური. საბერძემოს გაცხადებული რე დემოკრატია დო ართამი ოგიშაგორუე ნება.
საბერძემო – იდვალუაფჷ ობჟათე ევროპას, ბალკანეთიშ ჩქონს. საბერძემო ეგეოსიშ ზუღაშ ძგას რე, ნამუთ ევროპაშ ზუღეფშე ბრელი კოკეფით რე ჩინებული. თეშენი საბერძემოს ბრელი კოკი დო ჩქონი უღჷ. თე კოკეფშე უკაბეტაში რე კრეტა. შხვა კაბეტი კოკი რე: ეუბოა, ლესბოსი, ხიოსი დო შხვა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.